സിഡ്നി: വാര്ത്താസമ്മേളത്തിനിടെ പൊട്ടിക്കരഞ്ഞ് ഓസ്ട്രേലിയന് ക്രിക്കറ്റ് താരം സ്റ്റീവ് സ്മിത്ത്.എല്ലാവരോടും മാപ്പ് ചോദിക്കുന്നുവെന്നും ജീവിതകാലം മുഴുവന് ഇതിന്റെ പേരില് താന് ഖേദിക്കുമെന്നും സമ്ത്ത് പറഞ്ഞു. ‘ഞാന് മാപ്പ് ചോദിക്കുന്നു. ഓസ്ട്രേലിയന് ക്രിക്കറ്റ് ടീമിന്റെ ക്യാപ്റ്റനെന്ന നിലയില് ഒരു കാര്യം എനിക്ക് വ്യക്തമാക്കാനുണ്ട്. സംഭവിച്ചതിന്റെയെല്ലാം ഉത്തരവാദിത്തം ഞാന് ഏറ്റെടുക്കുന്നതായും സ്മിത്ത് പറഞ്ഞു.
തനിക്ക് സംഭവിച്ച തെറ്റും അതു മൂലമുണ്ടായ നഷ്ടവും പരിഹരിക്കാന് വേണ്ടതെല്ലാം ചെയ്യുമെന്നും സ്മിത്ത് കൂട്ടിച്ചേര്ത്തു. തനിക്ക് ലഭിച്ച വിലക്ക് യുവതാരങ്ങള്ക്ക് ഒരു പാഠമാകുമെന്നാണ് പ്രതീക്ഷിക്കുന്നതെന്നും സ്മിത്ത് പറഞ്ഞു. രാജ്യത്തെ പ്രതിനിധീകരിക്കാന് കഴിയുന്നതും ഓസ്ട്രേലിയന് ടീമിന്റെ ക്യാപ്റ്റനാകുന്നതും ബഹുമതിയായാണ് കാണുന്നതെന്നും എല്ലാവരും മാപ്പ് നല്കുമെന്നാണ് പ്രതീക്ഷയെന്നും സ്മിത്ത് കൂട്ടിച്ചേര്ത്തു.
പന്തില് കൃത്രിമം കാണിച്ച സംഭവത്തില് ക്രിക്കറ്റ് ഓസ്ട്രേലിയ സ്മിത്തിനെ ഒരു വര്ഷത്തേക്ക് വിലക്കിയിരുന്നു. ഇതിന് പിന്നാലെ സിഡ്നിയില് നടത്തിയ വാര്ത്താസമ്മേളനത്തിനിടയിലാണ് സ്മിത്ത് വികാരാധീനനായത്.
പ്രതികരിക്കാൻ ഇവിടെ എഴുതുക: