ചെങ്ങന്നൂര്: ദേശിയ പാത വികസനവുമായി ബന്ധപ്പെട്ട് കേരളത്തില് ഉയര്ന്നു വരുന്ന പ്രതിഷേധം കേന്ദ്ര മന്ത്രിയുമായി ചര്ച്ച ചെയ്യാന് മുഖ്യമന്ത്രി പിണറായി വിജയന് തയ്യാറാകാത്തതിന്റെ കാരണം സര്ക്കാര് വിശദീകരിക്കണമെന്ന് ബിജെപി സംസ്ഥാന ജനറല് സെക്രട്ടറി എം. ടി. രമേശ് ആവശ്യപ്പെട്ടു.
കീഴാറ്റൂര് പ്രദേശം സന്ദര്ശിക്കാന് മുഖ്യമന്ത്രി ഇതുവരെ തയ്യാറായിട്ടില്ല. പിണറായിയും സര്ക്കാരും പിടിവാശിയിലാണെന്ന് ഇത് വ്യക്തമാക്കുന്നു. കീഴാറ്റൂരിലെ കര്ഷകര് നേരിടുന്ന പ്രശ്നങ്ങള് മുഖവിലയ്ക്കെടുക്കാന് സര്ക്കാര് തയ്യാറാകുന്നില്ല. ഗൗരവകരമായ ഈ വിഷയത്തില് പിടിവാശിയും മര്ക്കടമുഷ്ടിയും ഉപേക്ഷിക്കാന് പിണറായി വിജയന് തയ്യാറാകണം.
ചെങ്ങന്നൂരില് കോണ്ഗ്രസ് സിപിഎമ്മിന്റെ ബി ടീമായാണ് പ്രവര്ത്തിക്കുന്നത്. സിപിഎം സ്ഥാനാര്ത്ഥി സജിചെറിയാനുമായി പ്രതിപക്ഷ നേതാവ് രമേശ് ചെന്നിത്തല ഗൂഢാലോചന നടത്തിയാണ് യുഡിഎഫ് സ്ഥാനാര്ത്ഥിയെ നിശ്ചയിച്ചതെന്നും അദ്ദേഹം ആരോപിച്ചു.
പ്രതികരിക്കാൻ ഇവിടെ എഴുതുക: