വാഷിങ്ടണ്: നാളെ മുതല് എച്ച്-1ബി വിസ അപേക്ഷകള് സ്വീകരിച്ച് തുടങ്ങുമെന്ന് യു.എസ്. നേരത്തെയുള്ളതിനേക്കാൾ കര്ശനമായ പരിശോധനകൾക്ക് ശേഷമായിരിക്കും വിസ അനുവദിക്കുക. ഇനി നടക്കാൻ പോകുന്ന വിസ പരിശോധനകളിൽ ചെറിയ തെറ്റുകള് പോലും അനുവദിക്കില്ലെന്ന കര്ശന നിലപാടിലാണ് യുഎസ് ഭരണകൂടം.
ഇന്ത്യയില് നിന്നുള്ള ഭൂരിപക്ഷം ഐടി വിദഗ്ധരും എച്ച്.1 ബി വിസയാണ് ഉപയോഗിക്കുന്നത്. പരിശോധന ഇത്രയേറെ കര്ശനമാക്കിയതോടെ പ്രവാസികളായ ഇന്ത്യക്കാരും ആശങ്കയിലാണ്. കമ്പനികള്ക്ക് വിദേശരാജ്യങ്ങളിലെ പ്രൊഫഷണലുകളെ ജോലിക്കെടുക്കാന് സഹായിക്കുന്ന അമേരിക്കന് വിസ രീതിയാണ് എച്ച്.1 ബി വിസ. പ്രതിവര്ഷം 65,000 പേര്ക്കാണ് എച്ച്.1ബി വിസ അനുവദിക്കുന്നത്.
സമര്പ്പിക്കപ്പെട്ട എച്ച്.1ബി വിസ അപേക്ഷാ നടപടികള് ഒക്ടോബര് ഒന്ന് മുതല് ആരംഭിക്കുമെന്നും യു.എസ് ഭരണകൂടം വ്യക്തമാക്കി. വ്യാജ ആപ്ലിക്കേഷന് നല്കുന്ന കമ്പനികൾക്കെതിരെ നടപടിയെടുക്കുമെന്നും ഭരണകൂടം മുന്നറിയിപ്പ് നല്കി.
പ്രതികരിക്കാൻ ഇവിടെ എഴുതുക: