മാവേലിക്കര: മലയാളി യുവാവിന്റെ വിവാഹത്തില് പങ്കെടുക്കാന് എത്തിയതു 31 വിദേശികള് ഫോട്ടോഗ്രഫറായ കെ.പി. എബ്രഹാമിന്റെയും പ്രിന്സിപ്പലായ ഉഷ വി. ജോര്ജിന്റെയും മകനായ അലക്സ് പാപ്പന് എബ്രഹാമിന്റെ വിവാഹത്തില് പങ്കെടുക്കുന്നതിനാണു 29 ജര്മ്മന്കാരും രണ്ടു റഷ്യക്കാരും ഓണാട്ടുകരയിലെത്തയത്.
പത്തിച്ചിറ സെന്റ് ജോണ്സ് ഓര്ത്തഡോക്സ് വലിയ പള്ളിയിലായിരുന്നു അലക്സും നെല്ലിമല മണക്കുളങ്ങര മാത്തുക്കുട്ടി ജോര്ജിന്റെയും അന്നമ്മ സഖറിയയുടെയും മകളായ ഷേറിന് മാത്യു ജോര്ജും തമ്മിലുള്ള വിവാഹം. ജര്മ്മിനിയില് ഐടി എന്ജിനീയറായി ജോലി ചെയ്യുന്ന അലക്സ് എംഎസ് പഠനത്തിനായാണു ആദ്യം ജര്മനിയില് എത്തിയത്. അവിടെ അലക്സിനൊപ്പം പഠിച്ചവര്, ഇപ്പോള് ഒപ്പം ജോലിചെയ്യുന്നവര്, താമസ സ്ഥലത്തെ അയല്വാസികള് എന്നിവരാണു വിവാഹത്തിനായി നാട്ടിലെത്തിയത്.
റൂഡി, അന്ന, ദമ്പതികളായ ബാല്ത്തസാറും മെലനിയും അവരുടെ മക്കളായ മത്തില്ഡേ (ഏഴ്), ബെല (മൂന്ന്), മീരി (രണ്ട്), കാതറിന്, ലിസി, സോണിയ, യാക്കോബ്, റൂബന്, സിമോണെ, റോബര്ട്ട്, ഫോള്ക്കര്, അലീസ, ബോഡോ, ഈലാസ്, സ്റ്റെഫി, ഫാബി, ലൊറന്റ്, ഫാബിയോ, മര്ക്കുസ്, മോണിക്ക, ആര്തര്, ക്രിസ്ത്യാന്, യൊഹാന്നസ്, സീമോന്, മാര്ട്ടിന്, റഷ്യക്കാരായ ഈഗോര്, ഉസ്തിനോവ എന്നിവരാണു വിവാഹത്തിനായി എത്തിയത്.
കേരളീയ തനിമയില് വസ്ത്രധാരണം നടത്തിയാണു ഭൂരിപക്ഷവും വിവാഹ ചടങ്ങില് പങ്കെടുത്തത്.
പ്രതികരിക്കാൻ ഇവിടെ എഴുതുക: