കിണറ്റില്‍ കരിഓയില്‍ ഒഴിച്ച് സിപിഎം അക്രമം

ചെങ്ങന്നൂര്‍: കണ്ണൂര്‍ മോഡല്‍ അക്രമങ്ങള്‍ ചെങ്ങന്നൂരിലേക്ക് വ്യപിപ്പിക്കാനുള്ള സിപിഎം ശ്രമം  ചെറുക്കുമെന്ന് ബിജെപി ജില്ലാ പ്രസിഡന്റ് കെ.സോമന്‍. ചെറിയനാട് ലക്ഷ്മി സദനത്തില്‍ പങ്കജാക്ഷ കുറുപ്പിന്റെ വീടിനുനേരെയുണ്ടായ ആക്രമണം ഇതിനു തെളിവാണ്. വീട്ടുവളപ്പില്‍ അതിക്രമിച്ചു കടന്നു കൊടിതോരണങ്ങള്‍ കെട്ടുകയും കിണറ്റില്‍ കരിഓയില്‍ ഒഴിച്ച് നശിപ്പിക്കുകയും ചെയ്തു. ചെങ്ങന്നൂരിലെ പരാജയഭീതിയില്‍ ബിജെപി പ്രവത്തകര്‍ക്കു നേരെ അക്രമം  അഴിച്ചുവിടുന്ന നടപടി ഒരു കാരണവശാലും അംഗീകരിക്കാന്‍ കഴിയുന്നതല്ല. ആക്രമണമുണ്ടായ  പങ്കജാക്ഷ കുറുപ്പിന്റെ വീട് സന്ദശിച്ചശേഷം പ്രതികരിക്കുകയായിരുന്നു അദ്ദേഹം.