കണ്ണൂര്: കീഴാറ്റൂരിലെ കര്ഷകരോട് നീതികാണിക്കാന് സിപിഎം തയ്യാറാവണമെന്ന് ബിജെപി സംസ്ഥാന ജനറല് സെക്രട്ടറി എം.ടി.രമേഷ് പറഞ്ഞു. ബിജെപി കണ്ണൂര് ജില്ലാ കമ്മറ്റിയുടെ നേതൃത്വത്തില് ‘കീഴടങ്ങില്ല കീഴാറ്റൂര്’ എന്ന പേരില് ഇന്നലെ നടത്തിയ കര്ഷകരക്ഷാ മാര്ച്ചിന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അധികാരവും പണവും ശക്തിയും ഉപയോഗിച്ച് കര്ഷകരെ നേരിടാനാണ് സിപിഎമ്മിന്റെ നീക്കം. അധികാരത്തിന്റെ തിണ്ണമിടുക്കിനു മുന്നില് കീഴാറ്റൂരിലെ നെല്വയലിനു വേണ്ടിയുളള സമരത്തില് നിന്നും പിന്മാറില്ല. കീഴാറ്റൂരിലേത് കേവലം ആ നാട്ടുകാരുടെ പ്രശ്നം മാത്രമല്ല. കേരളത്തിലെ മുഴുവന് ജനങ്ങളുടേയും പ്രശ്നമാണ്. സിപിഎമ്മിന്റെ ഭരണത്തില് കര്ഷകര്ക്കും അവശ ജനവിഭാഗങ്ങള്ക്കും രക്ഷയില്ലാത്ത അവസ്ഥയാണ്. ബൈപ്പാസ് വിഷയത്തില് എന്തിനാണ് സിപിഎമ്മിന് ഇത്ര വാശിയെന്നും ആരാണ് പാര്ട്ടിയുടെ ശത്രുവെന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു. ഒരുപിടി മണ്ണ് സംരക്ഷിക്കാന് ജീവതാളം നിലനിര്ത്താന് ശ്രമിക്കുന്ന കര്ഷകരെ സിപിഎം ശത്രുവായി പ്രഖ്യാപിച്ചിരിക്കുകയാണെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: