കണ്ണൂര്: ജില്ലാ പഞ്ചായത്തിന്റെ കാര്ഷിക പരമ്പരാഗത വ്യാവസായിക ഉല്പ്പന്ന പ്രദര്ശന മേള കണ്ണൂര് പൊലീസ് മൈതാനിയില് കണ്ണൂര് കോര്പറേഷന് മേയര് ഇ.പി.ലത ഉദ്ഘാടനം ചെയ്തു. ജില്ലാ പഞ്ചായത്ത് ജനകീയാസൂത്രണ പരിപാടിയുടെ ഭാഗമായി നടപ്പിലാക്കിവരുന്ന മേളയുടെ വിഷുവിനോടനുബന്ധിച്ചുള്ള പ്രദര്ശന, വിപണന മേളയില് ജില്ലയിലെ കുടുംബശ്രീ യൂനിറ്റുകള്, കാര്ഷിക യൂനിറ്റുകള്, പൊതുമേഖലാ സ്ഥാപനങ്ങള്, സഹകരണ സംഘങ്ങള്, വനിതാ ചെറുകിട പരമ്പരാഗത വ്യവസായ യൂനിറ്റുകള് എന്നിവയുടെ സ്റ്റാളുകളാണുള്ളത്. കണ്ണൂര് റൂഡ്സെറ്റ് ഇന്സ്റ്റിറ്റിയൂട്ട് പരിശീലനം നല്കിയ വിദ്യാര്ഥികളുടെ മ്യൂറല് ചിത്രങ്ങളുള്ള സാരികളുടെ സ്റ്റാള് ഏറെ ശ്രദ്ധ പിടിച്ചുപറ്റുന്നതാണ്.
ഉദ്ഘാടന ചടങ്ങില് ജില്ലാ പഞ്ചായത്ത് വികസനകാര്യ സ്ഥിരം സമിതി ചെയര്മാന് വി.കെ. സുരേഷ്ബാബു അധ്യക്ഷത വഹിച്ചു. ജില്ലാ പഞ്ചായത്ത് ആരോഗ്യ-വിദ്യാഭ്യാസ സ്ഥിരം സമിതി ചെയര്മാന് കെ.പി.ജയബാലന്, ക്ഷേമകാര്യ സ്ഥിരം സമിതി ചെയര്പേഴ്സന് ടി. റംല, ജില്ലാ പഞ്ചായത്തംഗങ്ങളായ തോമസ് വര്ഗീസ്, അന്സാരി തില്ലങ്കേരി, പി.കെ.സരസ്വതി, ജില്ലാ പ്ലാനിംഗ് കമ്മിറ്റി അംഗം കെ.വി.ഗോവിന്ദന്, ജില്ലാ അഗ്രി ഹോര്ട്ടി സൊസൈറ്റി സെക്രട്ടറി ബി.പി.റൗഫ് എന്നിവര് സംസാരിച്ചു. ജില്ലാ വ്യവസായ കേന്ദ്രം മാനേജര് സി.രമേശന് സ്വാഗതവും ജില്ലാ പഞ്ചായത്തസെക്രട്ടറി വി.ചന്ദ്രന് നന്ദിയും പറഞ്ഞു. മേള 14 വരെയുണ്ടാവും.
പ്രതികരിക്കാൻ ഇവിടെ എഴുതുക: