കീഴാറ്റൂര്: കര്ഷകന്റെ നെഞ്ചിലൂടെ കീഴാറ്റൂര് വഴി ബൈപ്പാസ് കൊണ്ടു പോകാന് ഒരരുതരത്തിലും അനുവദിക്കില്ലെന്ന് ബിജെപി സംസ്ഥാന ജനറല് സെക്രട്ടറി എ.എന്.രാധാകൃഷ്ണന് പറഞ്ഞു. ബിജെപി കണ്ണൂര് ജില്ലാ കമ്മറ്റിയുടെ നേതൃത്വത്തില് ഇന്നലെ ‘കീഴടങ്ങില്ല കീഴാറ്റൂര്’ എന്ന പേരില് നടന്ന കര്ഷകരക്ഷാ മാര്ച്ചിന്റെ ഉദ്ഘാടനം ചടങ്ങില് സംസാരിക്കുകയായിരുന്നു അദ്ദേഹം. ഭൂരിപക്ഷം കര്ഷകരും ഭൂമി വിട്ടുനല്കാന് തയ്യാറായി എന്ന് പറയുന്ന സിപിഎം അവകാശവാദം പൊളളയാണ്. മര്ക്കടമുഷ്ടി ഉപയോഗിച്ച് ഒരു വിഭാഗം പാര്ട്ടിക്കാരെ കൊണ്ട് സമ്മതിപ്പിക്കുകയായിരുന്നുവെന്നും ബൈപ്പാസിന്റെ ആദ്യ അലൈന്മെന്റ് എന്തിന് മാറ്റിയെന്ന് സിപിഎം നേതൃത്വം വ്യക്തമാക്കണമെന്നും പുതിയ അലൈന്മെന്റിന് പിന്നില് വന് സാമ്പത്തിക അഴിമതിക്കാണ് കളമൊരുങ്ങിയിരിക്കുന്നതെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: