ന്യൂദല്ഹി: സിബിഎസ്ഇ 10, 12 ക്ലാസ്സുകളിലെ ചോദ്യ പേപ്പര് ചോര്ന്നതുമായി ബന്ധപ്പെട്ട് പരീക്ഷാ നടത്തിപ്പ് മൊത്തത്തില് പരിശോധിക്കാന് കേന്ദ്ര മാനവവിഭവശേഷി മന്ത്രാലയം ഉന്നതതല സമിതിയെ നിയോഗിച്ചു. ഉന്നത വിദ്യാഭ്യാസ സെക്രട്ടറി വിനയ് ശീല് ഒബ്റോയുടെ നേതൃത്വത്തിലാണ് സമിതി.
ചോര്ന്നു പോകാത്ത വിധത്തില് ചോദ്യപേപ്പറുകള് പരീക്ഷാര്ത്ഥികളില് എത്തിക്കാന് വേണ്ട സുരക്ഷ ഏര്പ്പെടുത്തുക, പ്രസ്സില് നിന്നും ചോദ്യപേപ്പര് പരീക്ഷാ കേന്ദ്രങ്ങളിലെത്തിക്കുന്ന സംവിധാനത്തില് പോരായ്മകളുണ്ടോയെന്ന് പരിശോധിക്കുക, സാങ്കേതിക വിദ്യയുടെ സഹായത്തോടെ, മനുഷ്യ സാന്നിധ്യം പരമാവധി കുറച്ച് സുരക്ഷ മെച്ചപ്പെടുത്താന് വേണ്ട നിര്ദ്ദേശങ്ങള് നല്കുക എന്നീ ചുമതലകളാണ് സമിതിയ്ക്കുള്ളത്. ആറംഗങ്ങളാണ് ചെയര്മാനു പുറമേ സമിതിയിലുള്ളത്. 2018 മെയ് 31 നു മുന്പ് റിപ്പോര്ട്ട് സമര്പ്പിക്കും.
പ്രതികരിക്കാൻ ഇവിടെ എഴുതുക: