കൊച്ചി: മലയാള സിനിമാ ലോകത്ത് വില്ലന് വേഷങ്ങളിൽ തിളങ്ങി നിന്നിരുന്ന നടന് കൊല്ലം അജിത്ത്(56) അന്തരിച്ചു. ഉദരസംബന്ധമായ അസുഖത്തെത്തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു. പുലര്ച്ചെ 3.40 ഓടെയായിരുന്നു അന്ത്യം.
രാവിലെ സ്വദേശത്തേക്ക് കൊണ്ടു പോകുന്ന മൃതദേഹം ഇന്ന് തന്നെ സംസ്ക്കരിക്കും. തൊണ്ണൂറുകളില് വില്ലന് വേഷങ്ങളിലൂടെ മലയാള സിനിമയില് ശ്രദ്ധ നേടിയ നടനാണ് കൊല്ലം അജിത്. മലയാളം, തമിഴ്, തെലുങ്ക്, ഹിന്ദി ഭാഷകളിലായി ഏകദേശം അഞ്ഞൂറോളം സിനിമകളിലും നിരവധി ടെലിവിഷന് പരമ്പരകളിലും അഭിനയിച്ച താരം രണ്ട് സിനിമകള് സംവിധാനം ചെയ്യുകയും ചെയ്തിട്ടുണ്ട്.
സംവിധായകന് പത്മരാജന്റെ സഹായിയാകന് അവസരം ചോദിച്ചെത്തിയ അജിത്തിന് അദ്ദേഹം തന്റെ 1983ൽ ഇറങ്ങിയ പറന്ന് പറന്ന് പറന്ന് എന്ന സിനിമയില് അഭിനയിക്കാന് അവസരം നല്കുകയായിരുന്നു. 1989 ല് ഇറങ്ങിയ അഗ്നിപ്രവേശം എന്ന സിനിമയില് അജിത് നായകനുമായി. 2012 ല് ഇറങ്ങിയ ഇവന് അര്ധനാരിയാണ് ഒടുവില് അഭിനയിച്ച ചിത്രം. പ്രമീളയാണ് ഭാര്യ. ഗായത്രി,ശ്രീഹരി എന്നിവര് മക്കളാണ്.
പ്രതികരിക്കാൻ ഇവിടെ എഴുതുക: