മോസ്കോ: മുന് ഇരട്ടച്ചാരന് സെര്ജി സ്ക്രിപാലിനെയും മകള് യൂലിയയെയും അപായപ്പെടുത്താന് ശ്രമിച്ചെന്ന ആരോപണത്തില് ബ്രിട്ടനെതിരെ മുന്നറിയിപ്പുമായി റഷ്യ.
ബ്രിട്ടന് കെട്ടുകഥകള് സൃഷ്ടിക്കുകയാണ്. തീ കൊണ്ടാണ് നിങ്ങള് കളിക്കുന്നത്. നിങ്ങള് ഖേദിക്കേണ്ടി വരുമെന്നും ബ്രിട്ടന് യുഎന് രക്ഷാ സമിതി യോഗത്തില് റഷ്യന് പ്രതിനിധി വാസിലി നെബെന്സിയ മുന്നറിയിപ്പ് നല്കി.
മാര്ച്ച് നാലിനാണ് സ്ക്രിപാലിനും യൂലിയയ്ക്കും രാസായുധാക്രമണം ഏറ്റത്. രാസായുധാക്രമണത്തിനു പിന്നില് റഷ്യയാണെന്നായിരുന്നു ബ്രിട്ടന്റെ ആരോപണം. എന്നാല് ആക്രമണത്തില് പങ്കില്ലെന്ന് റഷ്യ ആവര്ത്തിച്ചിരുന്നു.
സ്ക്രിപാലിനൊപ്പം രാസായുധ ആക്രമണത്തിന് ഇരയായ മകള് യൂലിയ സുഖം പ്രാപിക്കുന്നുവെന്നാണ് പുതിയ വിവരം. അതേസയമം സ്ക്രിപാല് ഗുരുതരാവസ്ഥ പൂര്ണമായും തരണം ചെയ്തിട്ടില്ല.
പ്രതികരിക്കാൻ ഇവിടെ എഴുതുക: