കൂത്തുപറമ്പ്: ആര്എസ്എസ് പ്രവര്ത്തകന്റെ വീടിനു നേരെ ബോംബേറ്. സഹോദരിക്കും അമ്മയ്ക്കും പരിക്ക്. കൂത്തുപറമ്പ കൈതേരി ഇടം ഭഗവതി ക്ഷേത്രത്തിനു സമീപം ജാനാസ് വീട്ടില് ഹര്ഷിന് ഹരീഷിന്റെ വീടിനു നേരെയാണ് ഇന്നലെ പുലര്ച്ചെ 12.45 നു സിപിഎം പ്രവര്ത്തകര് ബോംബേറിഞ്ഞത്. ബോംബേറില് വീടിന്റെ ജനല് തകര്ന്നു. ജനല് തകര്ന്ന് ചില്ലുകള് തെറിച്ചുവീണ് സഹോദരി ഹരിതയുടെ മുഖത്തിന് മുറിവേറ്റു. മാതാവ് ഷീലക്കും ബോംബിന്റെ ഉഗ്രസ്ഫോടനത്തില് കേള്വിക്ക് തകരാറുണ്ടായി. ആര്എസ്എസ് പ്രവര്ത്തകനായ ഹര്ഷിന്റെ വീടിനു നേരെ കഴിഞ്ഞ വര്ഷവും ബോംബേറ് നടന്നിരുന്നു. സഹോദരിയെയും അമ്മയെയും തലശ്ശേരി ഇന്ദിര ഹോസ്പിറ്റലില് അഡ്മിറ്റ് ചെയ്തു.
പ്രതികരിക്കാൻ ഇവിടെ എഴുതുക: