ബംഗളുരു: ബംഗളുരുവിലെ ഇലക്ട്രോണിക്സ് സിറ്റിയില് വന് തീപിടിത്തം. സിറ്റിയിലെ ബെര്ഗര് പെയിന്റ് ഫാക്റ്ററിയിലാണു തീപിടിത്തമുണ്ടായത്. ആളപായമില്ല. ഫാക്ടറി സ്ഥിതി ചെയ്യുന്ന റോഡ് പോലീസ് അടച്ചു. രാസവസ്തുക്കള് പൊട്ടിത്തെറിക്കാന് സാധ്യതയുള്ളതിനാല് സമീപത്തെ കെട്ടിടങ്ങളില് നിന്ന് ആളുകളെ ഒഴിപ്പിച്ചു.
പുകപടലങ്ങള് ഒരു കിലോമീറ്ററോളം ചുറ്റളവില് പടര്ന്നു. ചില സ്ഫോടനങ്ങള് കേട്ടതായി ദൃക്സാക്ഷികള് പറഞ്ഞു. രാവിലെ പതിനൊന്നു മണിയോടെയാണു തീപിടിത്തമുണ്ടായത്. രക്ഷാപ്രവര്ത്തനം പുരോഗമിക്കുന്നതായി പോലീസ് അറിയിച്ചു. 24 ഫയര് യൂണിറ്റുകള് തീയണയ്ക്കാന് ശ്രമം നടത്തി വരികയാണ്.
പ്രതികരിക്കാൻ ഇവിടെ എഴുതുക: