റവന്യൂ റിക്കവറി ജില്ലയ്ക്ക് റെക്കോര്‍ഡ് നേട്ടം

Saturday 14 April 2018 1:44 am IST


ആലപ്പുഴ: റവന്യൂ റിക്കവറി പിരിവില്‍ കഴിഞ്ഞ സാമ്പത്തിക വര്‍ഷം  ജില്ല റെക്കോര്‍ഡ് നേട്ടം കൈവരിച്ചു. 85.68 കോടി രൂപ ലക്ഷ്യമിട്ട സ്ഥാനത്ത് 105.42 കോടി രൂപയാണ് ജില്ല ഭരണകൂടം പിരിച്ചെടുത്തത്.
  താലൂക്കുകളില്‍ ചേര്‍ത്തല താലൂക്ക് 24.11 കോടി രൂപ പിരിച്ചെടുത്ത് മുന്നിലെത്തി.കഴിഞ്ഞ സാമ്പത്തിക വര്‍ഷങ്ങളിലായി പിരിച്ചെടുക്കാന്‍  ഉണ്ടായിരുന്ന തുകയുടെ 96.90 ശതമാനം തുകയും കഴിഞ്ഞ ഒറ്റ സാമ്പത്തിക വര്‍ഷത്തിനിടയില്‍ പിരിച്ചെടുത്തതായി  കളക്ടര്‍ ടി.വി.അനുപമ പറഞ്ഞു.
  മുന്‍ സാമ്പത്തിക വര്‍ഷം 80.60 കോടി രൂപ പിരിച്ചെടുത്ത സ്ഥാനത്താണ് സംസ്ഥാനത്ത് തന്നെ മികച്ച നേട്ടം ഈ കാര്യത്തില്‍ ജില്ല കൈവരിച്ചത്. മറ്റു താലൂക്കുകളില്‍ അമ്പലപ്പുഴ 19.2 കോടി രൂപയുടെ പിരിവുമായി രണ്ടാമതെത്തി.
  കാര്‍ത്തികപ്പള്ളി 16.09 കോടിയും മാവേലിക്കര 13.42 കോടിയും പിരിച്ചെടുത്തു. ചെങ്ങന്നൂര്‍ താലൂക്ക് 12.41 കോടി രൂപ പിരിച്ചെടുത്തപ്പോള്‍ കുട്ടനാട് താലൂക്കിലെ പിരിവ് 8.43 കോടി രൂപയായിരുന്നു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.