കുമളി: വേനല് ശക്തമായതോടെ മുല്ലപ്പെരിയാര് അണക്കെട്ടിലെ ജലനിരപ്പ് 112.5 അടിയായി കുറഞ്ഞു. ശക്തമായ ചൂടും, വേനല് മഴയുടെ കുറവും മൂലം ജലസംഭരണിയിലേക്കുള്ള നീരൊഴുക്ക് കുറഞ്ഞിരിക്കുകയാണ്. സെക്കന്ഡില് 225 ഘനയടി വെള്ളമാണ് ഇപ്പോള് അണക്കെട്ടില് ഒഴുകിയെത്തുന്നത്. അതെ അളവില്ത്തന്നെ തമിഴ്നാട് സ്വദേശത്തേക്ക് വെള്ളം കൊണ്ട് പോകുന്നുണ്ട്.
പെന്സ്റ്റോക്ക് പൈപ്പുകള് വഴിയും ഇറച്ചില്പാലം കനാല് വഴിയുമാണ് തമിഴ്നാട് ജലം കൊണ്ടുപോകുന്നത്. 1311 ദശലക്ഷം ഘനയടി ജലമാണ് നിലവില് മുല്ലപ്പെരിയാര് അണക്കെട്ടില് സംഭരിച്ചിരിക്കുന്നത്. ഇത് സംഭരണശേഷിയുടെ നാല്പത് ശതമാനമാണ്. ജലനിരപ്പ് 110 അടിയിലും താഴേയ്ക്ക് പോയാല് വനം വകുപ്പ്് തടാകത്തിലൂടെ ഉല്ലാസ സവാരിക്ക് അനുമതി നല്കാറില്ല.
തടാകത്തിലെ മരക്കുറ്റികളില് തട്ടി ഉണ്ടാകാന് ഇടയുള്ള അപകടം ഒഴിവാക്കാന് വേണ്ടിയാണിത്.
പ്രതികരിക്കാൻ ഇവിടെ എഴുതുക: