നാം ജീവിക്കുന്നത്, ഭൗതിക പ്രപഞ്ചത്തില് ത്രിഗുണങ്ങളാകുന്ന ശത്രുക്കളുടെ കൂടെയാണ്. പക്ഷേ ഇവിടെത്തന്നെ ഗുണങ്ങള്ക്കു പ്രവേശിക്കാന് കഴിയാത്ത സ്ഥലങ്ങളും ജീവിതരീതികളുമുണ്ട്. അവ നാം സ്വീകരിക്കണം; താല്ക്കാലികമായി ത്രിഗുണാതീതരാവണം എന്ന് താല്പര്യം.
ശ്രീകൃഷ്ണ ഭഗവാന് മാത്രമാണ്, എപ്പോഴും, പൂര്ണമായും സത്വരജസ്തമോഗുണങ്ങള്ക്ക് ഒരു ബന്ധവുമില്ലാതെ വര്ത്തിക്കുന്നത്. പദ്മപുരാണത്തില് പറയുന്നത് അങ്ങനെയാണ്.
യോളസൗ നിര്ഗുണഇത്യുക്തഃ
ശാസ്ത്രേഷു ജഗദീശ്വരഃ
പ്രാകൃതൈഃ ഹേയസംയുക്തൈഃ
ഗുണൈഃ ഹീനത്വമുച്യത്യേ
(പദ്മ-ഉത്ത-255-39)
(=ശാസ്ത്രങ്ങളില് നിര്ഗുണന് എന്ന് പറയപ്പെടുന്നത് ജഗദീശ്വരന് മാത്രമാണ്. നിര്ഗുണത്വം എന്നു പറയപ്പെടുന്നത് പ്രകൃതിയുടെ ഗുണങ്ങളായ സത്വരജസ്തമസ്സുകളുമായി ബന്ധപ്പെടാത്ത അവസ്ഥയാണ്) അതുകൊണ്ട് ശ്രീകൃഷ്ണനുമായി സദാ ബന്ധപ്പെട്ടു നില്ക്കുന്ന സര്വവസ്തുക്കളും നിര്ഗുണാവസ്ഥയില് നില്ക്കുന്നു.
നമുക്ക് നിര്ഗുണാവസ്ഥയില് എത്തിച്ചേരാനുള്ള ഉപായം
ശ്രീമദ് ഭാഗവതം 10-ാം സ്കന്ധത്തില് 13-ാം അധ്യായത്തില് ഭഗവാന് ഹംസരൂപിയായി അവതരിച്ച്, ത്രിഗുണങ്ങളെ അതിക്രമിക്കാനുള്ള ഉപായം പറയുന്നു.
മയി തുര്യോസ്ഥിതോ ജഹ്യാത്
ത്യഗസ്തദ് ഗുണചേതസാം
(ശ്ലോക.28)
(=ഞാന് എപ്പോഴും, ത്രിഗുണങ്ങള്ക്ക് അതിക്രമിക്കാനാകാത്ത നിര്ഗുണാവസ്ഥയില് തന്നെ സ്ഥിതി ചെയ്യുന്നു. അതുകൊണ്ട് എപ്പോഴും എന്നില് തന്നെ സമര്പ്പിതമായ ജീവിതം നയിക്കുന്നവന്, ത്രിഗുണങ്ങള് മനസ്സിലേക്കും, മനസ്സ് ത്രിഗുണങ്ങളിലേക്കും പ്രവേശിക്കുന്നതിനെ തടഞ്ഞ്, അപ്പുറം കടക്കാന് എളുപ്പത്തില് സാധിക്കും.)
പ്രതികരിക്കാൻ ഇവിടെ എഴുതുക: