ന്യൂദല്ഹി: കറന്സി ക്ഷാമം ഇല്ലെന്നും എടിഎമ്മുകളില് ആവശ്യത്തിന് പണമുണ്ടെന്നും ധനമന്ത്രി അരുണ് ജെയ്റ്റ്ലി. ബാങ്കുകളില് വിനിമയത്തിന് ആവശ്യത്തിന് നോട്ടുകളുണ്ട്. ഉപഭോക്താക്കള്ക്ക് ആവശ്യാനുസരണം ഇവ ലഭ്യമാകുമെന്നും അരുണ് ജെയ്റ്റ്ലി ട്വിറ്ററില് കുറിച്ചു.
രാജ്യത്തിന്റെ ചില ഭാഗങ്ങളില് പെട്ടെന്ന് അസാധാരണമാം വിധം നോട്ടുകള്ക്ക് ആവശ്യം നേരിട്ടതാണ് പ്രതിസന്ധിക്ക് കാരണമായതെന്നും അദ്ദേഹം പറഞ്ഞു. എന്നാല്, ആര്ബിഐ രേഖകള് പ്രകാരം 18.17 ലക്ഷം കോടി രൂപയാണ് ഇപ്പോള് വിനിമയത്തിലുള്ളത്. നോട്ട് നിരോധനകാലത്തെ വിനിമയ നിരക്കിന് തുല്യമാണിത്. ഡിജിറ്റലൈസേഷന് മൂലം കറന്സികളുടെ ഉപഭോഗം കുറഞ്ഞതിനാല് കറന്സി ഉപയോഗത്തില് വര്ധന രേഖപ്പെടുത്തിയിട്ടില്ലെന്നും അദ്ദേഹം വ്യക്തമാക്കി.
തിങ്കളാഴ്ച മഹാരാഷ്ട്ര, ബിഹാര്, ഗുജറാത്ത് എന്നീ സംസ്ഥാനങ്ങളിലാണ് നോട്ട് ക്ഷാമം രൂക്ഷമായി അനുഭവപ്പെട്ടത്. ചൊവ്വാഴ്ചയും ചില സംസ്ഥാനങ്ങളില് നോട്ട് ക്ഷാമുണ്ട് എന്ന വാര്ത്ത പ്രചരിച്ചിരുന്നു.
പ്രതികരിക്കാൻ ഇവിടെ എഴുതുക: