തിരുവനന്തപുരം: കേരളത്തില് ഇന്നലെ അപ്രഖ്യാപിത ഹര്ത്താലിന്റെ മറവില് നടത്തിയ അക്രമങ്ങളെക്കുറിച്ച് പ്രത്യേക സംഘം അന്വേഷിക്കും. ഇതിനായി ഡിജിപി അന്വേഷണ സംഘം രൂപീകരിച്ചു. ഹര്ത്താലില് തീവ്രവാദ സംഘടനകള്ക്കുള്ള പങ്ക് സംഘം അന്വേഷിക്കും. ഇതിന് പുറമെ മാദ്ധ്യമങ്ങളെ ഇതിനായി ദുരുപയോഗം ചെയ്തോയെന്ന കാര്യവും പ്രത്യേക സംഘം അന്വേഷിക്കും.
അതേസമയം, സാമൂഹിക മാദ്ധ്യമങ്ങള് വഴി പ്രചരിച്ച ഹര്ത്താല് നേരിടുന്നതില് പൊലീസിന് ഗുരുതര വീഴ്ച സംഭവിച്ചതായി സംസ്ഥാന രഹസ്യാന്വേഷണ വിഭാഗം. ഹര്ത്താലിന്റെ മറവില് ചില തീവ്രവാദ ബന്ധമുള്ള സംഘടനകള് അക്രമങ്ങള് അഴിച്ചുവിടാന് സാധ്യതയുണ്ടെന്ന രഹസ്യാന്വേഷണ വിഭാഗത്തിന്റെ മുന്നറിയിപ്പ് പോലീസ് അവഗണിച്ചു.
ഇതാണ് കഴിഞ്ഞ ദിവസം വ്യപാകമായി അക്രമങ്ങള് ഉണ്ടാകാന് കാരണമെന്നും റിപ്പോര്ട്ടില് പറയുന്നു.
പ്രതികരിക്കാൻ ഇവിടെ എഴുതുക: