പരിയാരം: ആവേശത്തിരയിളക്കം; കാരുണ്യത്തിന് കൈത്താങ്ങ് എന്ന സന്ദേശമുയര്ത്തി ക്കൊണ്ടുള്ള പരിയാരം വോളി 2018ന് ഇന്ന് തുടക്കമാവും. പരിയാരം മെഡിക്കല് കോളേജ് ഗ്രൗണ്ടില് പ്രത്യേകമായി ഒരുക്കിയ ഫ്ലഡ്ലിറ്റ് സ്റ്റേഡിയത്തിലാണ് 21 വരെ മത്സരം നടക്കുക. മത്സരഫിക്സ്ചര് ഇതിനോടകം തന്നെ തീരുമാനിച്ചു.
ഇന്ന് വൈകിട്ട് 7 മണിക്ക് നടക്കുന്ന പരിപാടി കണ്ണൂര് സര്വകലാശാലാ സ്പോര്ട്സ് ഡയറക്ടര് ഡോ.പി.ടി ജോസഫാണ് ഉദ്ഘാടനം ചെയ്യും. കണ്ണൂര് ജില്ലാ വോളിബോള് അസോസിയേഷന് പ്രസിഡന്റ് വി.കെ സനോജ് മുഖ്യാതിഥിയായിരിക്കും. വോളിഫെസ്റ്റിന്റെ ലോഗോ രൂപകല്പന ചെയ്ത ആകാശ് സി കെ മാച്ചേരിക്ക് ഉദ്ഘാടനച്ചടങ്ങില് ഉപഹാരം സമ്മാനിക്കും. എല്ലാദിവസവും വൈകിട്ട് 6.30 മുതലാണ് മത്സരം ആരംഭിക്കുക. ഓരോ ദിവസവും ഒന്നിലധികം മത്സരങ്ങള് നടക്കും. ജില്ലയിലെ പ്രമുഖ ടീമുകളാണ് മാറ്റുരയ്ക്കുന്നത്. 21 ന് വൈകിട്ടാണ് ഫൈനല്. ദയ ചാരിറ്റബിള് സൊസൈറ്റിയുടേയും പരിയാരം മെഡിക്കല് കോളേജ് എംപ്ലോയീസ് യൂണിയന്റേയും സംയുക്താഭിമുഖ്യത്തിലാണ് വോളിഫെസ്റ്റ് സംഘടിപ്പിക്കുന്നത്. പത്രസമ്മേളനത്തില് സംഘാടക സമിതി ജനറല് കണ്വീനര് സീബ ബാലന്, ദയ ചാരിറ്റബിള് സൊസൈറ്റി പ്രസിഡന്റ് എ.വി.രവീന്ദ്രന്, വൈസ് പ്രസിഡന്റ് പി.പി രാജന്, സംഘാടക സമിതി കണ്വീനര് ഡോ.പി.പി.ബിനീഷ്, മീഡിയാ കമ്മറ്റി ചെയര്മാന് അജിത് പാനൂര്, ഫിനാന്സ് കമ്മിറ്റി കണ്വീനര് പി.ആര്.ജിജേഷ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: