പാലക്കാട്: ഇരട്ടയാലില് അമ്മയും മകനും കുളത്തില് മുങ്ങിമരിച്ചു. കുളക്കപ്പാടം കൃഷ്ണന്റെ ഭാര്യ വത്സല (38), മകന് അജിത് (11) എന്നിവരാണ് മരിച്ചത്. ഇന്നു രാവിലെ പതിനൊന്നുമണിയോടെയാണ് സംഭവം.
കുളിക്കാനിറങ്ങിയതായിരുന്നു ഇരുവരും. വത്സല ആദ്യം കുളത്തിലേക്ക് വീഴുകയായിരുന്നു. രക്ഷിക്കാനുള്ള ശ്രമത്തിനിടെ അജിത്തും വീഴുകയായിരുന്നെന്നാണ് പ്രാഥമിക നിഗമനം. നിലവിളി കേട്ടെത്തിയ നാട്ടുകാര് അജിത്തിനെ ജില്ലാ ആശുപത്രിയിലെത്തിച്ചെങ്കില് മരണം സംഭവിച്ചു.
പാലക്കാട്ടുനിന്നുള്ള ഫയര്ഫോഴ്സ് അംഗങ്ങളെത്തിയാണ് വത്സലയുടെ മൃതദേഹം പുറത്തെടുത്തത്. രണ്ടുപേരുടെയും മൃതദേഹം ജില്ലാ ആശുപത്രിയില് സൂക്ഷിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: