കണ്ണൂര്: ആദികടലായി ശ്രീകൃഷ്ണക്ഷേത്രത്തിലെ പുനഃപ്രതിഷ്ഠാകര്മ്മം 29ന് നടക്കുമെന്ന് ഭാരവാഹികള് വാര്ത്താസമ്മേളനത്തില് പറഞ്ഞു. ഉച്ചയ്ക്ക് 12.05നും 12.50നും മദ്ധ്യേയുള്ള മുഹൂര്ത്തത്തില് നടക്കുന്ന ചടങ്ങിന് പറവൂര് രാകേഷ് തന്ത്രിമാര് കാര്മ്മികത്വം വഹിക്കും. 21 മുതല് ചടങ്ങുകള് ആരംഭിക്കും. അന്നേദിവസം രാവിലെ 7 മണിക്ക് ക്ഷേത്രാരൂഢ സ്ഥാനമായ കുളക്കരയില് പൂജ നടക്കും. വൈകുന്നേരം 6 ന് ശില്പ്പിമാരെ ആദരിച്ച് ക്ഷേത്രം ഭാരവാഹികള് ഏറ്റുവാങ്ങും. തുടര്ന്ന് ദീപാരാധനയ്ക്ക് ശേഷം ഗുരുപൂജാനന്തരം ആചാര്യവരണമുണ്ടാകും. സംസ്കാരിക പരിപാടികളുടെ ഉദ്ഘാടനം ഗോകുലം ഗോപാലന് നിര്വ്വഹിക്കും. തുടര്ന്ന് ക്ഷേത്രം പ്രസിഡന്റ് പി.കരുണാകരന്റെ അദ്ധ്യക്ഷതയില് അനുസ്മരണവും ആദരസമര്പ്പണവും നടക്കും.
22ന് വൈകിട്ട് 6.30ന് നടക്കുന്ന സാംസ്കാരിക സമ്മേളനം കാസര്കോഡ് എടനീര് മഠാധിപതി കേശവാനന്ദഭാരതി ഉദ്ഘാടനം ചെയ്യും. ക്ഷേത്രം വൈസ് പ്രസിഡന്റ് കെ.കെ.പ്രേമരാജന് അധ്യക്ഷത വഹിക്കും. സന്തോഷ് അരയാക്കണ്ടി മുഖ്യപ്രഭാഷണം നടത്തും. 23 മുതല് 27 വരെ വൈകിട്ട് 5.30ന് ഭജന, 6.30ന് പ്രഭാഷണം, 28ന് രാവിലെ 6.30 മുതല് അഖണ്ഡനാമജപം, വൈകിട്ട് 6.45ന് സോപാനസംഗീതം. 29ന് രാവിലെ ഗണപതിഹോമം, അധിവാസം വിടര്ത്തിപൂജ, പ്രസാദപ്രതിഷ്ഠ, പീഠപ്രതിഷ്ഠ, പാണിബിംബ കലശങ്ങള് എഴുന്നള്ളിക്കല്, ഉച്ചയ്ക്ക് 12.05ന് പ്രതിഷ്ഠാകര്മ്മം, 1 മണിക്ക് പ്രസാദ സദ്യ, വൈകുന്നേരം 6.30ന് നാമഘോഷ ലഹരി എന്നിവ നടക്കും. വാര്ത്താ സമ്മേളനത്തില് കെ.കെ.പ്രേമരാജന്, എന്.പ്രകാശന്, പി.കെ.ലക്ഷ്മണന്, പി.രഞ്ജിത്ത്കുമാര്, സി.അശോകന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: