ലണ്ടന്: പ്രീമിയര് ലീഗില് മാഞ്ചസ്റ്റര് യുണൈറ്റഡ് രണ്ടാം സ്ഥാനത്തിനായി പിടിമുറുക്കി. ബേണ്മൗത്തിനെ എതിരില്ലാത്ത രണ്ട് ഗോളുകള്ക്ക് തകര്ത്താണ് മാഞ്ചസ്റ്റര് യുണൈറ്റഡ് രണ്ടാം സ്ഥാനം നേടാനുള്ള സാധ്യത സജീവമാക്കിയത്്. ക്രിസ് സ്മാളിങും പകരക്കാരന് റൊമേലു ലുകാകുവുമാണ് ഗോള് നേടിയത്.
കഴിഞ്ഞ മത്സരത്തില് വെസ്റ്റ്് ബ്രോംവിച്ചിനോട് ഏകപക്ഷീയമായ ഒരു ഗോളിന് തോറ്റ യുണൈറ്റഡിന് ഈ വിജയത്തോടെ 34 മത്സരങ്ങളില് 74 പോയിന്റായി. കിരീടം നേടിയ മാഞ്ചസ്റ്റര് സിറ്റിയെക്കാള് പതിമൂന്ന് പോയിന്റ് പിന്നിലാണ് മാഞ്ചസ്റ്റര് യുണൈറ്റഡ്്. അതേസമയം മൂന്നാം സ്ഥാനക്കാരായ ലിവര്പൂളിനേക്കാള് നാല് പോയിന്റ് മുന്നിലാണ് മാഞ്ചസ്റ്റര് യുണൈറ്റഡ്്.
പ്രതികരിക്കാൻ ഇവിടെ എഴുതുക: