പാര്ലമെന്റ് സമ്മേളനങ്ങള് നിരന്തരമായി തടസ്സപ്പെടുത്തുന്നത് പാര്ലമെന്റ് അംഗങ്ങളുടെ അവകാശമാണോ അതോ ജനാധിപത്യത്തോടും ജനങ്ങളോടുമുള്ള വെല്ലുവിളിയാണോ? ജനങ്ങളുടെയും രാജ്യത്തിന്റെയും നീറുന്ന ഒട്ടനവധി പ്രശ്നങ്ങള് പാര്ലമെന്റില് ചര്ച്ചചെയ്യപ്പെടേണ്ട സമയത്ത് സഭ സ്തംഭിപ്പിക്കുന്നതും പിരിയുന്നതും ഒരുതരം ഒളിച്ചോട്ടമാണ്. ഇപ്പോള് പാര്ലമെന്റിലായാലും നിയമസഭകളിലായാലും ഈ മാര്ഗ്ഗമാണ് കോണ്ഗ്രസ് സ്വീകരിച്ചുവരുന്നത്. കൃത്യമായി ഒപ്പിട്ട,് ശമ്പളവും അലവന്സും കൈപ്പറ്റിയതിന് ശേഷം സഭയിലിരുന്ന് ജനകീയ പ്രശ്നങ്ങള് ചര്ച്ചചെയ്യേണ്ടതിന് പകരം അവര് ഇറങ്ങിപ്പോക്കു നടത്തുന്നു. സഭാസ്തംഭനത്തിന്റെ ഉത്തരവാദി ബിജെപിയോ സഖ്യകക്ഷികളോ അല്ലാതിരുന്നിട്ടും 23 ദിവസത്തെ ശമ്പളവും അലവന്സും വേണ്ടെന്നുവെക്കാന് തീരുമാനിച്ച എന്ഡിഎി അംഗങ്ങളുടെ നടപടി തികച്ചും അഭിനന്ദനാര്ഹം തന്നെ.കോണ്ഗ്രസും മറ്റ് പ്രതിപക്ഷ കക്ഷികളും അവരെ മാതൃകയാക്കേണ്ടിയിരിക്കുന്നു.
വാളങ്കോട് രാജഗോപാല്, തിരുവനന്തപുരം
പ്രതികരിക്കാൻ ഇവിടെ എഴുതുക: