തിരുവനന്തപുരം: കേരളതീരത്ത് അടുത്ത രണ്ട് ദിവസങ്ങളില് രണ്ടര മുതല് മൂന്ന് മീറ്റര് വരെ പൊക്കത്തില് തിരമാലകള്ക്കുള്ള സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ഇന്ന് രാവിലെ 8.30 മുതല് നാളെ രാത്രി 11.30 വരെ കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കാസര്ഗോഡ് തീരപ്രദേശങ്ങളില് കൂറ്റന് തിരമാലകള് ആഞ്ഞടിക്കാന് സാധ്യതയുണ്ട്. ലക്ഷദ്വീപിലെ അഗത്തി, അമിനി, ബിത്ര, ചെത്ലത്ത്, കടമത്ത്, കല്പ്പേനി, കവരത്തി, കില്ത്താന്, മിനിക്കോയ് എന്നിവിടങ്ങളിലും കടല് പ്രക്ഷുബ്ധമായേക്കും. മീന്പിടുത്തക്കരും തീരദേശവാസികളും ജാഗ്രത പുലര്ത്തണം.
പ്രതികരിക്കാൻ ഇവിടെ എഴുതുക: