ആലപ്പുഴ: മദ്യമൊഴുക്കി സംസ്ഥാന സര്ക്കാര് ജനങ്ങളെ വഞ്ചിച്ചെന്ന് കെസിബിസി മദ്യവിരുദ്ധ കമ്മീഷന് ജനറല് സെക്രട്ടറി ഫാ. ജേക്കബ് വെള്ളമരുതുങ്കലും വിശാല സഖ്യം ജനറല് കണ്വീനര് പ്രസാദ് കുരുവിളയും കുറ്റപ്പെടുത്തി. ജനവിരുദ്ധ മദ്യനയത്തിനെതിരെ മദ്യവിരുദ്ധ പ്രസ്ഥാനങ്ങളെയും സാമുദായിക സാമൂഹ്യ മനുഷ്യാവകാശ സംഘടനകളെയും പങ്കെടുപ്പിച്ച് 23ന് ഉച്ചയ്ക്ക് രണ്ടിന് ചെങ്ങന്നൂര് വൈഎംസിഎ ഹാളില് ബഹുജന കണ്വെന്ഷന് സംഘടിപ്പിക്കുമെന്നും അവര് പറഞ്ഞു.
കണ്വെന്ഷനില് ആര്ച്ച് ബിഷപ് മാര് ജോസഫ് പെരുന്തോട്ടം അദ്ധ്യക്ഷനാകും. ബിഷപ് മാര് റമദിയൂസ് ഇഞ്ചനാനിയില്, സിബിസിഐ ഉപാദ്ധ്യക്ഷന് ബിഷപ് ജോഷ്വാ മാര് ഇഗ്നാത്തിയോസ്, മലങ്കര സിറിയന് ക്നാനായ സഭാ തലവന് കുര്യാക്കോസ് മാര് സെവേറിയോസ് വലിയ മെത്രാപ്പോലീത്ത, മലങ്കര ഓര്ത്തഡോക്സ് സഭ ചെങ്ങന്നൂര് ഭദ്രാസനാ ബിഷപ് തോമസ് മാര് അത്താനാസിയോസ്, ബിഷപ് തോമസ് മാര് തിമോത്തിയോസ്, ബിഷപ് യോഹന്നാന് മാര് ക്രിസോസ്റ്റം, സ്വാമി ഗുരുരത്നം ജ്ഞാനതപസ്വി തുടങ്ങിയവര് പങ്കെടുക്കും.
പ്രതികരിക്കാൻ ഇവിടെ എഴുതുക: