കോട്ടയം: അക്ഷരനഗരിയില് താരത്തിളക്കം സൃഷ്ടിക്കുന്ന ജന്മഭൂമി അവാര്ഡ് നിശ ദൃശ്യം-2018 ജന്മഭൂമി ഓണ്ലൈനിന്റെ ഔദ്യോഗിക ഫെയ്സ്ബുക്ക് പേജ് വഴി ലൈവായി പ്രേക്ഷകരിലേക്ക്. ബസേലിയോസ് കോളേജ് ഗ്രൗണ്ടില് വൈകിട്ട് 5.30ന് ആരംഭിക്കുന്ന കലാപരിപാടികള് www.facebook.com/janmabhumidaily എന്ന പേജിലൂടെ ദൃശ്യമാകും.
പ്രശസ്ത ചലച്ചിത്രതാരം ശാന്തികൃഷ്ണയുടെ നൃത്തച്ചുവടുകളോടെ തുടങ്ങുന്ന അവാര്ഡ് നിശ രാജ്യസഭാ ഉപാധ്യക്ഷന് പ്രൊഫ. പി.ജെ കുര്യന് ഉദ്ഘാടനം ചെയ്യും. നടന് ബിജുമേനോന് മുഖ്യാതിഥിയായി പങ്കെടുക്കും. ബിജെപി സംസ്ഥാന അധ്യക്ഷന് കുമ്മനം രാജശേഖരന്, ജോസ് കെ. മാണി എം.പി, തിരുവഞ്ചൂര് രാധാകൃഷ്ണന് എംഎല്എ, നഗരസഭാധ്യക്ഷ ഡോ.പി.ആര് സോന എന്നിവര് സംബന്ധിക്കും.
ജന്മഭൂമിയുടെ ചരിത്രം വിശദമാക്കുന്ന ഹ്രസ്വചിത്രവും കഴിഞ്ഞ വര്ഷം നടന്ന ജന്മഭൂമി ഫിലിം അവാര്ഡിന്റെ പ്രസക്ത ഭാഗങ്ങളും പ്രദര്ശിപ്പിക്കും. എസ്.രമേശന് നായര് രചിച്ച് രമേശ് നാരായണന് ഈണം പകര്ന്ന അവതരണ ഗാനത്തിന് ശാന്തികൃഷ്ണയും സംഘവും നൃത്താവിഷ്കാരം നടത്തും.
ശാന്തികൃഷ്ണയ്ക്കൊപ്പം ബംഗളുരുവില് നിന്നുള്ള നൃത്തസംഘവും ചുവടുവയ്ക്കും. താരദമ്പതികളായ ധന്യ മേരി വര്ഗീസ്, ജോണ് ജേക്കബ് എന്നിവരും പരിപാടിയില് പങ്കാളികളാവും.
പ്രതികരിക്കാൻ ഇവിടെ എഴുതുക: