ന്യൂദല്ഹി: സമാധാനം ആഗ്രഹിക്കുന്ന സമൂഹങ്ങള് നേരിടുന്ന ഏറ്റവും ഗുരുതരമായ ഭീഷണി ഭീകരതയാണെന്ന് പ്രതിരോധ മന്ത്രി നിര്മ്മല സീതാരാമന് പറഞ്ഞു. ചൈനയിലെ ബീജിംഗില് ഷാങ്ഹായ് സഹകരണസംഘടനയിലെ(എസ്സിഒ) പ്രതിരോധ മന്ത്രിമാരുടെ യോഗത്തില് സംസാരിക്കുകയായിരുന്നു നിര്മ്മല. ഈ സമ്മേളനത്തില് ഇതാദ്യമായാണ് ഇന്ത്യ പങ്കെടുക്കുന്നത്.
ഭീകരതയ്ക്കെതിരെ വിട്ട്വീഴ്ചയില്ലാത്ത നടപടി കൈക്കൊള്ളാന് നിര്മ്മല അംഗരാഷ്ട്രങ്ങളെ ആഹ്വാനം ചെയ്തു. ഭീകര സംഘടനകള്ക്ക് സാമ്പത്തിക സഹായവും പിന്തുണയും നല്കുന്നതിനെ ഒരിക്കലുംഅംഗീകരിക്കാനാവില്ല. താഷ്ക്കന്റ് ആസ്ഥാനമായുള്ള എസ്സിഒ മേഖലാ ഭീകര വിരുദ്ധ സംവിധാനവുമായി ഇന്ത്യതുടര്ന്നും സഹകരിക്കും.
എസ്സിഒ സമാധാന ദൗത്യത്തിന്റെ ഭാഗമായി റഷ്യയില് ഈ വര്ഷം നടത്തുന്ന സംയുക്ത സൈനിക അഭ്യാസത്തില് ഇന്ത്യ പങ്കെടുക്കുമെന്നും കേന്ദ്രമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: