വാഷിംഗ്ടണ്: ഉത്തരകൊറിയന് ഏകധിപതി കിം ജോംഗ് ഉന്നിനെ പുകഴ്ത്തി യുഎസ് പ്രസിഡന്റ് ഡൊണള്ഡ് ട്രംപ്. ഏറ്റവും ആദരണീയന് എന്നാണ് ട്രംപ് കിമ്മിനെ അഭിസംബോധന ചെയ്തത്.
കിം വളരെ തുറന്ന മനസുള്ളവനും നാം കാണുന്നതില്നിന്നുമാറി ഏറ്റവും ആദരണനീയനുമാണെന്ന് ട്രംപ് പറഞ്ഞു. കിമ്മുമായി ഉടന് കൂടിക്കാഴ്ച നടത്തുന്നുണ്ടെന്നും അത് ലോകത്തിനു മെച്ചമാണെന്നു തങ്ങള് വിചാരിക്കുന്നെന്നും ട്രംപ് കൂട്ടിച്ചേര്ത്തു. ഫ്രഞ്ച് പ്രസിഡന്റ് ഇമ്മാനുവല് മാക്രോണുമായുള്ള വൈറ്റ്ഹൗസ് കൂടിക്കാഴ്ചയ്ക്കു തൊട്ടുമുന്പായിരുന്നു ട്രംപിന്റെ കിം സ്തുതി.
അതേസമയം, കിമ്മുമായുള്ള ചര്ച്ചയില് ഫലമുണ്ടായില്ലെങ്കില് കൂടിക്കാഴ്ചയില്നിന്ന് ഇറങ്ങിപ്പോരുമെന്ന മുന് പരാമര്ശം ട്രംപ് ആവര്ത്തിച്ചു. മേയ് അവസാനമോ ജൂണ് ആദ്യമോ ട്രംപ്-കിം കൂടിക്കാഴ്ച നടക്കുമെന്നാണു റിപ്പോര്ട്ടുകള്.
പ്രതികരിക്കാൻ ഇവിടെ എഴുതുക: