പഴയങ്ങാടി: മാടായി ദേവസ്വത്തിന്റെ അധീനതയിലുള്ള മാടായിപ്പാറയില് വീണ്ടും കയ്യേറ്റം. മരങ്ങള് മുറിച്ച് കടത്താന് ശ്രമം. അറുനൂറ് ഏക്കറിലധികം ഭൂമിയുണ്ടായിരുന്ന മാടായി ദേവസ്വത്തിന്റെ ഭൂരിഭാഗം സ്ഥലങ്ങളും സ്വകാര്യ വ്യക്തികളും സ്ഥാപനങ്ങളും വ്യാജരേഖ ചമച്ച് കൈവശപ്പെടുത്തിയിരുന്നു. ദേവസ്വം ചില കൈയ്യേറ്റങ്ങള്ക്കെതിരെ ഹൈക്കോടതിയില് നിന്നു സ്റ്റേ വാങ്ങിയിരുന്നു. സ്റ്റേ നിലനില്ക്കുന്ന അമ്പത് സെന്റ് ഭൂമിയിലെ മരങ്ങളാണ് മാടായി പഞ്ചായത്ത് മുന് വൈസ് പ്രസിഡണ്ട് എ.പി.ബദറുദീന്റെ നേതൃത്വത്തിലുള്ള പതിനഞ്ചംഗ സംഘം മുറിച്ചു കടത്താന് ശ്രമിച്ചത്. വിവരമറിഞ്ഞെത്തിയ ബിജെപി, സംഘപരിവാര് പ്രവര്ത്തകര് ദേവസ്വം അധികൃതരെ വിവരമറിയിക്കുകയും തുടര്ന്ന് അവര് പോലീസില് പരാതി നല്കുകയുമായിരുന്നു. കയ്യേറ്റക്കാര്ക്ക് അനുകൂലമായ രീതിയില് പോലീസ് ആദ്യം നടപടിക്ക് തയ്യാറായെങ്കിലും ഹൈന്ദവ സംഘടനാ പ്രവര്ത്തകരുടെ ശക്തമായ പ്രതിഷേധങ്ങള്ക്കൊടുവിലാണ് പോലീസ് കയ്യേറ്റ ശ്രമങ്ങള് തടഞ്ഞത്.
പ്രതികരിക്കാൻ ഇവിടെ എഴുതുക: