കൊച്ചി: മുന് മന്ത്രി തോമസ് ചാണ്ടിയെ എന്സിപി സംസ്ഥാന അധ്യക്ഷനായി തെരഞ്ഞെടുത്തു. ടി.പി. പീതാബരന് മാസ്റ്റര് സ്ഥാനമൊഴിയുന്ന ഒഴിവിലേക്കാണ് തോമസ് ചാണ്ടിയുടെ നിയമനം. നെടുമ്പാശേരിയില് പാര്ട്ടി ദേശീയ ജനറല് സെക്രട്ടറി പ്രഫുല് പട്ടേലിന്റെ നേതൃത്വത്തില് ചേര്ന്ന സംസ്ഥാന ജനറല് ബോഡിയാണ് തോമസ് ചാണ്ടിയെ തെരഞ്ഞെടുത്തത്.
അധ്യക്ഷസ്ഥാനം സംബന്ധിച്ചു മന്ത്രി എ.കെ. ശശീന്ദ്രന് വിഭാഗവും തോമസ് ചാണ്ടി വിഭാഗവും തമ്മില് തര്ക്കം രൂക്ഷമായിരുന്നു. തുടര്ന്ന് നേതാക്കള് ശരത് പവാറുമായി ചര്ച്ച നടത്തി സമവായത്തിലെത്തുകയായിരുന്നു.
പാര്ട്ടി ഉപാധ്യക്ഷസ്ഥാനം ശശീന്ദ്രന് വിഭാഗത്തിനും നാലു ജനറല് സെക്രട്ടറി സ്ഥാനം തോമസ് ചാണ്ടി വിഭാഗത്തിനും നല്കാനും യോഗം തീരുമാനിച്ചിരുന്നു.
പ്രതികരിക്കാൻ ഇവിടെ എഴുതുക: