ന്യൂദല്ഹി: ദല്ഹിയില് നിന്ന് ശ്രീനഗരിലേക്ക് പോകുകയായിരുന്ന എയര് ഇന്ത്യ വിമാനം എന്ജിന് തകരാറ് മൂലം ഇന്ദിരാ ഗാന്ധി അന്താരാഷ്ട്ര വിമാനത്താവളത്തില് അടിയന്തരമായി തിരിച്ചിറക്കി.
എഞ്ചിന് തകരാറിനെ തുടര്ന്നാണ് എ ഐ 825 വിമാനം തിരിച്ചിറക്കിയത്. 180 യാത്രക്കാരാണ് ഈ സമയം വിമാനത്തിലുണ്ടായിരുന്നത്. യാത്രക്കാര് എല്ലാവരും സുരക്ഷിതരാണ്.
എയര് ഇന്ത്യയുടെ മറ്റൊരു വിമാനവും ഈ മാസം ആദ്യം അടിയന്തരമായി നിലത്തിറക്കിയിരുന്നു. ജയ്പുറില് ഏപ്രില് ഏഴിനായിരുന്നു ഇത്. എ ഐ 476 വിമാനമായിരുന്നു അന്ന് അടിയന്തരമായി നിലത്തിറക്കിയത്.
പ്രതികരിക്കാൻ ഇവിടെ എഴുതുക: