തൃശൂര്: സിഎംപി പാര്ട്ടി കോണ്ഗ്രസ് വേദിയില് പരസ്പരം കുത്തി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും സിപിഐ സംസ്ഥാന സെക്രട്ടറി കാനം രാജേന്ദ്രനും. ബിജെപിയാണ് മുഖ്യശത്രുവെന്നും എന്നാല് ബിജെപിയെ ചെറുക്കാന് കോണ്ഗ്രസുമായി കൂടുന്നത് ദോഷം ചെയ്യുമെന്നും കോടിയേരി പറഞ്ഞു.
ബിജെപിയെ ചെറുക്കാന് വെറും രാഷ്ട്രീയ കാഴ്ചപ്പാടല്ല വേണ്ടതെന്നും വിശാല ജനാധിപത്യ മതേതര കക്ഷികളുമായി യോജിക്കുകയാണ് വേണ്ടതെന്നും കാനവും പറഞ്ഞു. കോണ്ഗ്രസുമായുള്ള ബന്ധത്തെ ചൊല്ലി പാര്ട്ടി കോണ്ഗ്രസുകള്ക്ക് ശേഷവും സിപിഎം, സിപിഐ പാര്ട്ടികളുടെ ഭിന്നത പരസ്യമായി തുടരുകയാണ്. തൃശൂരില് സിഎംപി അരവിന്ദാക്ഷന് വിഭാഗത്തിന്റെ പാര്ട്ടി കോണ്ഗ്രസിനോടനുബന്ധിച്ച് സംഘടിപ്പിച്ച സെമിനാറില് സംസാരിക്കുകയായിരുന്നു ഇരുവരും.
പ്രതികരിക്കാൻ ഇവിടെ എഴുതുക: