കൊച്ചി: വരാപ്പുഴ കസ്റ്റഡി മരണക്കേസില് മുന് ആലുവ റൂറല് എസ്.പി എ.വി.ജോര്ജിനെ സസ്പെന്ഡ് ചെയ്തു. എസ്.പിയെ കുടുക്കി ക്രൈംബ്രാഞ്ച് നേരത്തെ ഡി.ജി.പിക്ക് റിപ്പോര്ട്ട് സമര്പ്പിച്ചിരുന്നു. ഇതിന്റെ അടിസ്ഥാനത്തിലാണ് സസ്പെന്ഷന്. സസ്പെന്ഷന് കൂടാതെ വകുപ്പുതല അന്വേഷണത്തിന് മുഖ്യമന്ത്രി ഉത്തരവിട്ടിട്ടുണ്ട്.
എസ്.പിയുടെ നേതൃത്വത്തില് രൂപീകരിച്ച റൂറല് ടൈഗര് ഫോഴ്സ് (ആര്.ടി.എഫ്) സംസ്ഥാന പൊലീസ് മേധാവിയുടെയും സര്ക്കാരിന്റെയും അനുമതിയില്ലാതെയാണ് പ്രവര്ത്തിച്ചിരുന്നത്. പലപ്പോഴും നിയമാനുസൃതമായിരുന്നില്ല സംഘത്തിന്റെ പ്രവര്ത്തനം. മാത്രവുമല്ല ഈ സംഘത്തിനെ മുപ്പതിലധികം തവണ എസ്.പി നേരിട്ട് അഭിനന്ദിച്ചിരുന്നതായും ക്രൈംബ്രാഞ്ച് കണ്ടെത്തിയിരുന്നു.
അന്വേഷണത്തിന്റെ അടിസ്ഥാനത്തില് സംഘം തയ്യാറാക്കിയ റിപ്പോര്ട്ട് കഴിഞ്ഞ ദിവസം തന്നെ സംസ്ഥാന പൊലീസ് മേധാവിക്ക് കൈമാറിയതായാണ് വിവരം. എ.വി.ജോര്ജിനെതിരെ വകുപ്പ്തല നടപടി സ്വീകരിക്കണമെന്നും റിപ്പോര്ട്ടില് ശുപാര്ശ ചെയ്തിരുന്നു.
പ്രതികരിക്കാൻ ഇവിടെ എഴുതുക: