തിരുവനന്തപുരം : പോലീസ് അസോസിയേഷന് യോഗങ്ങളില് ചട്ടലംഘനം നടന്നുവെന്ന ആരോപണത്തില് വിശദീകരണം ആവശ്യപ്പെട്ട് ഡിജിപി ലോക്നാഥ് ബെഹ്റ. അസോസിയേഷന് നേതൃത്വത്തിനാണ് ഡിജിപി നോട്ടീസ് അയച്ചത്.
ചട്ടങ്ങള്ക്ക് വിരുദ്ധമായി എന്തെങ്കിലും നടന്നിട്ടുണ്ടെങ്കില് വിശദീകരണം നല്കണമെന്നാണ് ആവശ്യപ്പെട്ടിട്ടുള്ളത്. അതേസമയം ഡിജിപി നോട്ടീസ് അയച്ചുവെന്ന വാര്ത്ത പോലീസ് അസോസിയേഷന് ഭാരവാഹികള് നിഷേധിച്ചു. ഇങ്ങനെ വാര്ത്ത വരുന്നതിന് പിന്നില് എന്താണെന്ന് അറിയില്ല. ഇത്തരത്തില് ഒരു നോട്ടീസും ഇതുവരെ തങ്ങള്ക്ക് ലഭിച്ചിട്ടില്ലെന്ന് അസോസിയേഷന് ജനറല് സെക്രട്ടറി അനില്കുമാര് അറിയിച്ചു.
അസോസിയേഷന് യോഗങ്ങളില് രാഷ്ട്രീയ അതിപ്രസരം കൂടുതലാണെന്ന ഇന്റലിജന്സ് മേധാവിയുടെ റിപ്പോര്ട്ടില് ഡിജിപി ഇതുവരെ പ്രതികരിച്ചില്ലെന്ന ആക്ഷേപം ഉയര്ന്നിരുന്നു. ചട്ടലംഘനം നടന്നിട്ടുണ്ടോ എന്ന് അന്വേഷിച്ച് റിപ്പോര്ട്ട് നല്കാന് റേഞ്ച് ഐജി മാരോട് ഡിജിപി നേരത്തെ തന്നെ ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക: