കൊച്ചി : കൊച്ചിയില് ഈ മാസം പതിനെട്ടിന് അരങ്ങേറുന്ന ജന്മഭൂമി ലജന്ഡ്സ് ഓഫ് കേരള, ചലച്ചിത്ര പുരസ്കാര ദാന ചടങ്ങില് മനോഹര ഗാനങ്ങള് അലയടിക്കും. സംസ്ഥാന ചലച്ചിത്ര അവാര്ഡ് ജേതാക്കളുള്പ്പെടെയുള്ള ഗായകര് ആ ഗാനസന്ധ്യയില് അണിനിരക്കും. സംഗീത സംവിധായകന് ബിജിബാലിന്റെ നേതൃത്വത്തില് പത്തോളം ഗായകര് വേദിയിലെത്തും.
സുദീപ് കുമാര്, ഗണേഷ് സുന്ദരം, അഭിജിത്, കെ.എസ്. ഹരിശങ്കര്, സൗമ്യ , സംഗീത, മധുശ്രീ, ഗൗരി ലക്ഷ്മി തുടങ്ങിയവര് സ്വരരാഗമുണര്ത്തമ്പോള് സംഗീത മഴയ്ക്കാകും കൊച്ചി വേദിയാവുക. ഈ ഗാനങ്ങളിലൂടെ ആദരവും പെയ്തിറങ്ങും
ലജന്ഡ്സ് ഓഫ് പുരസ്കാരം ഏറ്റുവാങ്ങുന്ന മഹാനടന് മധുവിനും സമഗ്ര സംഭാവനയ്ക്കുള്ള പ്രത്യേക പുരസ്കാരം സ്വീകരിക്കുന്ന ഗാനരചയിതാവും സംവിധായകനുമായ ശ്രീകുമാരന് തമ്പിക്കും ആദരവ് അര്പ്പിക്കുന്ന ഗാനങ്ങളും ആലപിക്കും.
മധുവിന്റെ സിനിമകളിലെ പാട്ടുകളും ശ്രീകുമാരന് തമ്പി രചിച്ച പാട്ടുകളും ആ പ്രതിഭകള്ക്കുള്ള സംഗീത സമര്പ്പണമാവും.
പ്രതികരിക്കാൻ ഇവിടെ എഴുതുക: