ചെങ്ങന്നൂര്: ശബരിമല മുന് തന്ത്രി കണ്ഠരര് മഹേശ്വരര്(91) അന്തരിച്ചു. വാര്ദ്ധക്യസഹജമായ അസുഖത്തെ തുടര്ന്ന് ചെങ്ങന്നൂര് കല്ലിശേരിയിലെ വീട്ടില് വച്ചായിരുന്നു അന്ത്യം. ശബരിമലയുമായി ബന്ധപ്പെട്ട ആചാരാനുഷ്ഠാനങ്ങളില് അവസാന വാക്കായിരുന്നു കണ്ഠരര് മഹേശ്വരര്.
ഏറെ നാളായി വാര്ധക്യ സഹജമായ അസുഖങ്ങളെത്തുടര്ന്ന് വിശ്രമത്തിലായിരുന്നു. ശാരീരിക ബുദ്ധിമുട്ടുകളെത്തുടര്ന്ന് പലതവണ ആശുപത്രിയിലേക്ക് മാറ്റിയിരുന്നു. ഇന്ന് ഉച്ചയോടെയാണ് അന്ത്യം സംഭവിച്ചത്. വാര്ദ്ധക്യ ഹജമായ അവശതകളെത്തുടര്ന്ന് ശബരിമലയിലെ താന്ത്രിക ജോലികള് മഹേശ്വരര് അവസാനിപ്പിച്ചിരുന്നു. എങ്കിലും ഉത്സവ സമയങ്ങളിലും മകരവിളക്ക്, മണ്ഡലപൂജ സമയങ്ങളിലും ശബരിമലയില് എത്തുമായിരുന്നു.
കണ്ഠരര് മോഹനരരുടെ മകന് കണ്ഠരര് മഹേഷാണ് നിലവില് ശബരിമലയില് താന്ത്രിക ജോലികള് ചെയ്യുന്നത്.
പ്രതികരിക്കാൻ ഇവിടെ എഴുതുക: