തലശ്ശേരി: ആടിനെ തീറ്റിക്കാനായി പ്ലാവില ശേഖരിക്കാന് പോയ വൃദ്ധനെ ഷോക്കേറ്റ് മരിച്ച നിലയില് കണ്ടെത്തി. വടക്കുംമ്പാട് കൂളി ബസാറിനടുത്ത എടവലത്ത് വീട്ടില് ഇബ്രാഹിമി(73)നെയാണ് വീടിന് അടുത്ത ആള്ത്താമസമില്ലാത്ത പറമ്പില് ഇലക്ടിക് ലൈനിനടുത്ത് ഷോക്കേറ്റു മരിച്ച നിലയില് ഇന്നലെ കാണപ്പെട്ടത്. മൃതദേഹം അഴുകിയിരുന്നു. രണ്ട് ദിവസമായി ഇബ്രാഹിമിനെ കാണാനില്ലായിരുന്നു. മൃതദേഹം കാണപ്പെട്ട ഇലക്ടിക് ലൈനിനടുത്ത് ഇബ്രാഹിം പ്ലാവില കൊമ്പ് അറുക്കാന് ഉപയോഗിച്ച ഇരുമ്പ് പൈപ്പും കൊളുത്തും കാണപ്പെട്ടു. ഇന്ക്വസ്റ്റിന് ശേഷം മൃതദേഹം ജനറല് ആശുപത്രിയിലേക്ക് മാറ്റി. ഭാര്യ: ജമീല. മക്കള്: ഫിറോസ്, ഹാരീഷ്, റമീസ്, അനീസ്, റിയാസ്.
പ്രതികരിക്കാൻ ഇവിടെ എഴുതുക: