ബെംഗളൂരു: കര്ണാടകത്തില് വോട്ടെണ്ണല് തുടരുമ്പോള് നാലു മേഖലയില് ബിജെപി മുന്നേറ്റം. ബെംഗളൂരുവില് കോണ്ഗ്രസിന് ബിജെപിയേക്കാള് മേല്ക്കൈ ഉണ്ട്. തെക്കന് കര്ണാടകയില് ജനതാദള് മറ്റ് രണ്ട് മുഖ്യ എതിരാളികളേയും ഏറെ പിന്നിലാക്കി.
മുംബൈ കര്ണാടകയില് 50 സീറ്റില് 29 എണ്ണത്തില് ബിജെപിയാണ് മുന്നില്. ഹൈദരാബാദ് കര്ണാടകയില് 31-ല് 15 സീറ്റില് ബിജെപിക്ക് മേല്ക്കൈ. തീരകര്ണാടകയില് 21-ല് 13 സീറ്റ് ബിജെപിക്ക് ഒപ്പമാണ്. മധ്യ കര്ണാടകയില് 35 സീറ്റില് 22 എണ്ണം ബിജെപിക്ക് അനുകൂലമാണ്.
തെക്കന് കര്ണാടകയില് 51 സീറ്റില് 25 സീറ്റും ജനതാദളിനാണ്. അവിടെ കോണ്ഗ്രസ് രണ്ടാമതും ബിജെപി മൂന്നാമതമായി.
ബെംഗളൂരുവിലെ 36 സീറ്റില് കോണ്ഗ്രസ് 13 മുന്നില്, 10 എണ്ണത്തില് ബിജെപിയാണ് മുന്നില്. എട്ടിടത്ത് ജനതാദളും.
പ്രതികരിക്കാൻ ഇവിടെ എഴുതുക: