കോഴിക്കോട്: കുടുംബശ്രീയും കെഎസ്ആര്ടിസിയും കൈകോര്ത്ത് പ്രവര്ത്തിക്കുന്ന കാര്യം പരിഗണനയിലെന്ന് ഗതാഗത മന്ത്രി എ.കെ.ശശീന്ദ്രന്. സ്വപ്ന നഗരിയില് നടക്കുന്ന കുടുംബശ്രീയുടെ 20-ാം വാര്ഷികാഘോഷത്തില് സംസാരിക്കുകയായിരുന്നു മന്ത്രി.
കെഎസ് ആര്ടിസിയിലെ ക്യാന്റീനുകള് കുടുംബശ്രീയുമായി സഹകരിച്ച് നടത്തുന്ന കാര്യം പരിഗണിക്കും. കൂടാതെ പഴയ ബസുകളെ കുടുംബശ്രീ സഹായത്തോടെ സഞ്ചരിക്കുന്ന ഭക്ഷണശാലകളാക്കി മാറ്റുന്ന കാര്യവും ആലോചിക്കും. ഇതിനായി അടുത്ത ആഴ്ചതന്നെ രണ്ട് വകുപ്പുകളുടെയും മന്ത്രിമാരും വകുപ്പ് സെക്രട്ടറിമാരും യോഗം ചേരുമെന്നും മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: