കണ്ണൂര്: ഡ്രൈവിംഗ് സ്കൂളിന് നേരെ ഉണ്ടായ അക്രമത്തില് കാര് ഉള്പ്പെടെയുള്ള വാഹനങ്ങള് തകര്ത്തു. കണ്ണൂര് തായത്തെരു റോഡില് പ്രവര്ത്തിക്കുന്ന യുക്തി ഡ്രൈവിംഗ് സ്കൂളിന് നേരെയാണ് അക്രമമുണ്ടായത്. ഇന്നലെ രാവിലെ ഓഫീസ് തുറക്കാനെത്തിയപ്പോഴാണ് വാഹനങ്ങള് തകര്ത്ത നിലയില് കണ്ടെത്തിയത്. കുറ്റിയാട്ടൂര് സ്വദേശിയുടെ ഉടമസ്ഥതയിലുളളതാണ് ഡ്രൈവിംഗ് സ്കൂള്. ഓഫീസിന് മുന്നില് നിര്ത്തിയിട്ടിരുന്ന കാറിന്റെ മുന്നിലെയും പിന്നിലെയും ഗ്ലാസുകള് തകര്ക്കുകയും ഓഫീസിന്റെ പിന്ഭാഗത്തെ ഗ്രൗണ്ടില് നിര്ത്തിയിട്ടിരുന്ന സ്കൂട്ടറുകളും ഓട്ടോറിക്ഷയും മറിച്ചിടുകയും ചെയ്ത നിലയിലായിരുന്നു. ടൗണ് പോലീസ് കേസെടുത്ത് അന്വേഷിച്ചുവരുന്നു. സംഭവത്തില് ഡ്രൈവിംഗ് സ്കൂള് ഇന്സ്ട്രക്ടേഴ്സ് ആന്റ് വര്ക്കേഴ്സ് അസോസിയേഷന് പ്രതിഷേധിച്ചു.
പ്രതികരിക്കാൻ ഇവിടെ എഴുതുക: