ജമ്മു: വെടിനിര്ത്തല് കരാര് ലംഘിച്ച് പാക്കിസ്ഥാന് നടത്തിയ ഷെല്ലാക്രമണത്തില് ബിഎസ്എഫ് ജവാന് വീരമൃത്യു. ഇയാളെ കൂടാതെ നാലു നാട്ടുകാരും കൊല്ലപ്പെട്ടു. പന്ത്രണ്ടു പേര്ക്ക് പരിക്കേറ്റു. ബിഎസ്എഫിന്റെ 192-ാം ബറ്റാലിയനിലെ സീതാറാം ഉപാധ്യായ (28)യാണ് മരിച്ചത്. ജാര്ഖണ്ഡ് സ്വദേശിയാണ്.
ഇന്നലെ പുലര്ച്ചെയാണ് ആര്.എസ് പുര, ബിഷ്നാഹ്, അര്ണിയ സെക്ടറുകളിലെ അതിര്ത്തി ഗ്രാമങ്ങള്ക്ക് നേരെ പാക്കിസ്ഥാന് റേഞ്ചേഴ്സ് വെടിവയ്പ്പും ഷെല്ലാക്രമണവും നടത്തിയത്. പ്രധാനമന്ത്രി നരേന്ദ്രമോദി ഇന്ന് ജമ്മു കശ്മീര് സന്ദര്ശിക്കാനിരിക്കെയാണ് ആക്രമണം.
അതേസമയം വെടിവയ്പ്പും ഷെല്ലാക്രമണവും നടത്തിയത് ഇന്ത്യയാണെന്നും നാല് പാക്കിസ്ഥാനികള് കൊല്ലപ്പെട്ടെന്നും ആരോപിച്ച് ഇന്ത്യന് ഹൈക്കമ്മീഷണര് അജയ് ബിസരിയയെ പാക് വിദേശകാര്യ സെക്രട്ടറി ഓഫീസിലേക്ക് വിളിപ്പിച്ചു.
പ്രതികരിക്കാൻ ഇവിടെ എഴുതുക: