തൃശൂര്: ഉപരാഷ്ട്രപതി വെങ്കയ്യ നായിഡു നാളെ ഗുരുവായൂരില്. ഗുരുവായൂരപ്പന് ധര്മകലാ സമുച്ചയം അവതരിപ്പിക്കുന്ന അഷ്ടപദിയാട്ടം ദര്ശിക്കാനാണ് ഉപരാഷ്ട്രപതി ഗുരുവായൂരിലെത്തുന്നത്.
ഉപരാഷ്ട്രപതിയുടെ സന്ദര്ശനത്തോടനുബന്ധിച്ചുള്ള സുരക്ഷാ ക്രമീകരണങ്ങള് പൂര്ത്തിയായി. ഐജി അജിത്കുമാറിന്റെ നേതൃത്വത്തില് 6 എസ്പിമാര്ക്കാണ് സുരക്ഷാ ചുമതല . 2000 പോലീസുകാരെ ക്ഷേത്ര നഗരിയില് വിന്യസിപ്പിക്കും.
ഉച്ചയോടെ ഹെലികോപ്റ്റര് മാര്ഗം ഗുരുവായൂരിലെത്തുന്ന വെങ്കയ്യ നായിഡു ക്ഷേത്രദര്ശനത്തിനു ശേഷം അഷ്ടപദിയാട്ടം വീക്ഷിക്കും. വൈകുന്നേരം ആറുമണിയോടെ അദ്ദേഹം മടങ്ങും.
പ്രതികരിക്കാൻ ഇവിടെ എഴുതുക: