തിരുവനന്തപുരം: പുതുതായി പത്ത് ഫോറസ്റ്റ് സ്റ്റേഷനുകള് അനുവദിക്കാന് മന്ത്രിസഭയോഗം തീരുമാനിച്ചു. ഇതിനായി 99 തസ്തികകള് സൃഷ്ടിക്കും. തിരുവല്ല ട്രാവന്കൂര് ഷുഗേഴ്സ് ആന്റ് കെമിക്കല്സ് തൊഴിലാളികളുടെയും ഓഫീസര്മാരുടെയും ശമ്പളം പരിഷ്കരിക്കാന് തീരുമാനിച്ചു.
ഓഖി ദുരന്തത്തില് വീട് പൂര്ണമായും നഷ്ടപ്പെട്ട 74 മത്സ്യത്തൊഴിലാളി കുടുംബങ്ങള്ക്ക് സ്ഥലവും വീടും നല്കുന്നതിന് 7.62 കോടി രൂപ നല്കാന് തീരുമാനിച്ചു. എല്ബിഎസ് സെന്ററിലേയും എല്ബിഎസ് എഞ്ചിനീയറിംഗ് കോളേജുകളിലേയും ജീവനക്കാര്ക്ക് ശമ്പളപരിഷ്കരണം അനുവദിക്കാന് തീരുമാനിച്ചു.
നൈപുണ്യവികസന പരിപാടികള് ഏകോപിപ്പിക്കുന്നതിന് കേരള അക്കാദമി ഫോര് സ്കില്സ് എക്സലന്സ് സമര്പ്പിച്ച ശുപാര്ശ അംഗീകരിച്ചു. ഇതനുസരിച്ച് നൈപുണ്യവികസനത്തിനുളള നയങ്ങള് തീരുമാനിക്കുന്നത് മുഖ്യമന്ത്രി ചെയര്മാനായ സംസ്ഥാനതല കൗണ്സിലായിരിക്കും. തൊഴിള് ഉള്പ്പെടെ എട്ട് വകുപ്പുകളുടെ മന്ത്രിമാരും ചീഫ് സെക്രട്ടറിയും രണ്ടു വ്യവസായ പ്രതിനിധികളും കൗണ്സിലില് അംഗങ്ങളായിരിക്കും.
കര്ഷകരുടെ ക്ഷേമത്തിനും അവര്ക്ക് പെന്ഷന് ഉള്പ്പെടെയുളള ആനുകൂല്യങ്ങള് നല്കുന്നതിനും ക്ഷേമനിധി രൂപീകരിക്കുന്നതിനുളള കരട് ബില് മന്ത്രിസഭ അംഗീകരിച്ചു.
പ്രതികരിക്കാൻ ഇവിടെ എഴുതുക: