കണ്ണൂര്: മലയോര മേഖലകളില് വര്ദ്ധിച്ചുവരുന്ന കാട്ടുമൃഗ ശല്യങ്ങള്ക്ക് ശാശ്വത പരിഹാരം കാണാനായി കൃഷിക്കാര്ക്ക് നായാട്ടിനുള്ള അനുവാദം നല്കണമെന്ന് കേരള കോണ്ഗ്രസ് (എം) സംസ്ഥാന ജനറല് സെക്രട്ടറി പി.ടി.ജോസ് ആവശ്യപ്പെട്ടു. കുടിയേറ്റത്തിന്റെ ആദ്യ നാളുകളില് ഇതില് കൂടുതല് കാട്ടുമൃഗശല്യങ്ങളുണ്ടായിരുന്നുവെങ്കിലും അന്ന് നായാട്ടും മറ്റ്മാര്ഗ്ഗങ്ങളിലൂടെയും മൃഗങ്ങളെപിടിക്കുവാനുള്ളഅനുവാദം കൃഷിക്കാര്ക്ക് ഉണ്ടായിരുന്നു. അതുകൊണ്ടുതന്നെ കൃഷിനാശത്തില് നിന്നും കര്ഷകര്ക്ക് മോചനവുമുണ്ടായിരുന്നു.
ഈ രീതിക്ക് ഇനിയെങ്കിലും അനുമതി നല്കിയാല് ഒരുപരിധിവരെ മലയോര കര്ഷകരെ കാട്ടുമൃഗ ശല്യങ്ങളില്നിന്നും രക്ഷപ്പെടുത്താന് കഴിയുമെന്നും അദ്ദേഹം പറഞ്ഞു. കേരള കോണ്ഗ്രസ് (എം) ജില്ലാ കമ്മറ്റിയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജോയി കൊന്നക്കല്അധ്യക്ഷതവഹിച്ചു.
പ്രതികരിക്കാൻ ഇവിടെ എഴുതുക: