ആലപ്പുഴ: ചെങ്ങന്നൂരില് വര്ഗീയ ധ്രുവീകരണം നടത്തി ജയിക്കാനാണു സിപിഎം ശ്രമമെന്നു മുന് മുഖ്യമന്ത്രി ഉമ്മന്ചാണ്ടി കുറ്റപ്പെടുത്തി. സിപിഎമ്മിന്റെ ചരിത്രത്തിലെ ഏറ്റവും വലിയ വര്ഗീയ പ്രചാരണമാണു മണ്ഡലത്തില് നടത്തുന്നത്. യുഡിഎഫ് സ്ഥാനാര്ത്ഥിക്ക് ആര്എസ്എസ് ബന്ധമുണ്ടെന്ന കോടിയേരിയുടെ പ്രസ്താവന പിന്വലിച്ച് മാപ്പു പറയണമെന്നും ഉമ്മന്ചാണ്ടി ആവശ്യപ്പെട്ടു.
കോടിയേരിക്കെതിരെ കോണ്ഗ്രസ് തെരഞ്ഞെടുപ്പ് കമ്മിഷനു പരാതി നല്കി. തെരഞ്ഞെടുപ്പു ഫലം ഭരണത്തിന്റെ വിലയിരുത്തലാകുമെന്നു പറയാനുള്ള ധൈര്യം മുഖ്യമന്ത്രിക്കില്ലെന്നും അതിനാലാണു അസത്യപ്രചാരണം നടത്തുന്നതെന്നും ഉമ്മന്ചാണ്ടി ചെങ്ങന്നൂരില് മാധ്യമപ്രവര്ത്തകരോട് പറഞ്ഞു.
പ്രതികരിക്കാൻ ഇവിടെ എഴുതുക: