കണ്ണൂര്: പ്രധാനമന്ത്രി നരേന്ദ്രമോദിയുടെ ജനപ്രിയ പദ്ധതികളിലൊന്നായ അമൃതം നഗരം പദ്ധതി അട്ടിമറിക്കാനുള്ള കണ്ണൂര് കോര്പ്പറേഷന് അധികാരികളുടെ ശ്രമത്തില് രാഷ്ട്രീയ ലോക് സമതാ പാര്ട്ടി സംസ്ഥാന സീനിയര് വൈസ് പ്രസിഡണ്ടും എന്ഡിഎ ജോയന്റ് കണ്വീനറുമായ എ.കെ.സതീഷ് ചന്ദ്രന് മാസ്റ്റര് പ്രതിഷേധിച്ചു. അമൃതം പദ്ധതിയിലുള്ളതും കണ്ണൂര് നിവാസികളുടെ അടിയന്തിര ആവശ്യവുമായ പടന്നത്തോട് ശുചീകരണ പദ്ധതി ടെണ്ടറെടുക്കാന് പോലും ആളില്ലാതെ ഇല്ലാതാവുകയാണ്. അമൃതം നഗരം പദ്ധതിയിലെ കണ്ണൂര് ഒഴികെയുള്ള കോര്പ്പറേഷനുകള് പദ്ധതി പൂര്ത്തിയാക്കുന്നതിന് തീവ്രശ്രമം നടത്തുമ്പോള് അന്ധമായ രാഷ്ട്രീയ വിരോധം കാരണം പദ്ധതി അട്ടിമറിക്കാനുള്ള കോര്പ്പറേഷന് ഭരണാധികാരികളുടെ നീക്കത്തിനെതിരെ ശക്തമായ ബഹുജനപ്രക്ഷോഭം ആര്എല്എസ്പി ആരംഭിക്കുമെന്നും അദ്ദേഹം മുന്നറിയിപ്പ് നല്കി.
പ്രതികരിക്കാൻ ഇവിടെ എഴുതുക: