ചെറുപുഴ: അറ്റകുറ്റപണിക്കിടെ കെഎസ്ഇബി കരാര് തൊഴിലാളിക്ക് ഷോക്കേറ്റു. പാക്കഞ്ഞിക്കാട്ടെ മരോട്ടിയാംകുളം ബാബു (48)വിനാണ് പരിക്കേറ്റത്. ചെറുപുഴ കെഎസ്ഇബി സെക്ഷന് ഓഫീസ് പരിധിയില് വരുന്ന പാണ്ടിക്കടവില് ലൈനില് അറ്റകുറ്റപ്പണി നടത്തുന്നതിനിടയില് ഷോക്കേല്ക്കുകയായിരുന്നു. സാരമായി പരിക്കേറ്റ ബാബുവിനു പരിയാരം മെഡിക്കല് കോളേജ് ആശുപത്രിയില് പ്രാഥമിക ചികിത്സ നല്കിയ ശേഷം മണിപ്പാല് ആശുപത്രിയില് പ്രവേശിപ്പിച്ചു. കരാര് തൊഴിലാളിയായ ബാബു തൂണില് കയറുന്നതിനിടെ വൈദ്യുത തൂണില് നിന്നും തെന്നി വീഴുകയായിരുന്നുവെന്നാണ് കെഎസ്ഇബി അധികൃതര് പറയുന്നത്. എന്നാല് ലൈനിലുള്പ്പെടെ വൈദ്യുതി പ്രവാഹമുണ്ടായിരുന്നെന്നാണ് നാട്ടുകാര് പറയുന്നത്.
പ്രതികരിക്കാൻ ഇവിടെ എഴുതുക: