ഏറെ വിവാദം സൃഷ്ടിച്ച, രാഷ്ട്രീയ പശ്ചാത്തലത്തില് വര്ത്തമാനകാല സാഹചര്യങ്ങളോട് പ്രതികരിക്കുന്ന രജനീകാന്തിന്റെ ഏറ്റവും പുതിയ ചിത്രം ‘കാലാ’ പ്രദര്ശനത്തിനെത്തുകയാണ്. ‘കബാലി’ക്കുശേഷം സൂപ്പര്സ്റ്റാര് രജനികാന്ത് നായകനാവുന്ന ‘കാലാ’ പി. രഞ്ജിത് തിരക്കഥയെഴുതി സംവിധാനം ചെയ്യുന്നു.
‘ഗ്യാങ്സ്റ്റര് ഡ്രാമ’യെന്ന് നിര്മ്മാതാവുകൂടിയായ നടന് ധനുഷ് വിശേഷിപ്പിക്കുന്ന ‘കാലാ’യില് ഹുമ ഖുറേഷിയാണ് നായികയാവുന്നത്.നാനാ പടേക്കര്, സമുദ്രക്കനി, പങ്കജ് ത്രിപാഠി, അഞ്ജലി പാട്ടീല്, സുകന്യ, ഈശ്വരി റാവു തുടങ്ങിയവരാണ് മറ്റ് പ്രമുഖ താരങ്ങള്.
േചരിയിലെ പിന്നാക്കക്കാരുടെ അവകാശത്തിനായി പോരാടുന്ന സത്യസന്ധനായ നേതാവിന്റെ കഥാപാത്രത്തെയാണ് രജനികാന്ത് അവതരിപ്പിക്കുന്നത്. സോള്ട്ട് ആന്റ് പെപ്പര് ലുക്കില് മുംബൈയിലെ അധോലോകനായക രൂപത്തില് പ്രത്യക്ഷപ്പെടുന്ന രജനികാന്തിന്റെ ലുക്ക് ഏറെ ചര്ച്ച ചെയ്യുകയാണ്.
എണ്പത് കോടി മുതല്മുടക്കിയ ‘കാലാ’യുടെ ഛായാഗ്രഹണം മുരളി. ജി നിര്വഹിക്കുന്നു. സന്തോഷ് നാരായണനാണ് സംഗീതസംവിധായകന്. പി. രഞ്ജിത്തിനോടൊപ്പം സന്തോഷ് നാരായണന്റെ മൂന്നാമത്തെ ചിത്രമാണ് ‘കാലാ’. ശ്രീകര് പ്രസാദാണ് എഡിറ്റിംഗ്.
‘കാലാ’ രാഷ്ട്രീയ സിനിമയല്ല. എന്നാല് കഥയ്ക്ക് അനുയോജ്യമായി ശക്തമായ രാഷ്ട്രീയം കടന്നുവരുന്നുണ്ട്. രജനികാന്ത് തന്നെ വ്യക്തമാക്കിയിട്ടുള്ളതാണിത്. രജനികാന്തിന്റെ രാഷ്ട്രീയ പ്രഖ്യാപനത്തിനുശേഷം ഇറങ്ങുന്ന ചിത്രമായതിനാല് ‘കാലാ’യെ വളരെ ശ്രദ്ധയോടെയാണ് പ്രേക്ഷകര് നോക്കിക്കാണുന്നത്.
പ്രതികരിക്കാൻ ഇവിടെ എഴുതുക: