ഇന്ത്യപോലൊരു രാജ്യത്തിന്റെ ഭരണഘടന അവിടുത്തെ സാധാരണക്കാര്ക്ക് പോലും ഏറെക്കുറെ അറിയാമെന്നത് ചെറിയൊരു കാര്യമല്ല. രാഷ്ട്രീക്കാരുടെ ഏറെ നാളായുള്ള കുതികാല്വെട്ടും അധികാരക്കൊതിയും അഴിമതിയും വരുത്തിവെച്ച നിരവധി കേസുകള് നാടെങ്ങുമുള്ള നിയമ കോടതികളില് നിറഞ്ഞ് നിന്നതിലൂടെ സാധാരണ ജനങ്ങള്ക്ക് ഭരണഘടനയെ വളരെ അടുത്തറിയാനും അതിനെ ഒരു പരിധിവരെ വ്യാഖ്യാനിക്കാന്പോലും കഴിവുള്ളവരാക്കി തീര്ത്തു എന്നുള്ളതാണ് വസ്തുത.
ശരിക്കും പറഞ്ഞാല് നിയമക്കോടതികളില് നിന്നും അത് ഹൈക്കോടതികളോ സുപ്രീം കോടതികളോ ആയാല്പ്പോലും വരുന്ന വിധിന്യായങ്ങള് പോലും മുന്കൂട്ടി പ്രവചിക്കുവാന് കഴിവുള്ള സാധാരണക്കാര് നമ്മുടെ നാട്ടില് നാള്ക്കുനാള് കൂടിവരുന്നു. കാരണം രാഷ്ട്രീക്കാരുടെ അഴിമതിയും അധികാര മോഹങ്ങളും അത്രയേറെ പ്രചാരത്തിലുള്ള നാടണല്ലോ നമ്മുടേത്.
ലക്ഷങ്ങള് നല്കിയാല് മാത്രം കോടതികളില് ഒരു സിറ്റിങ്ങിനെത്തുന്ന വക്കീല് പ്രമുഖന്മാര് നാട്ടാര്ക്ക് വിവരം കൂടുന്നത് തങ്ങളുടെ തൊഴിലിന് ഭീഷണിയാണോയെന്ന് ആത്മാര്ത്ഥതയോടെ പരിശോധിക്കുന്നത് നന്നായിരിക്കും. നിയമക്കോടതികളും വസ്തുത നിസ്സാരമായി തള്ളിക്കളയരുത്.
സി.പി. ഭാസ്ക്കരന്
നിര്മ്മലഗിരി
പ്രതികരിക്കാൻ ഇവിടെ എഴുതുക: