തിരുവനന്തപുരം: മലപ്പുറം, കോഴിക്കോട്, പാലക്കാട്, കണ്ണൂര്, വയനാട്, കാസര്കോട് ജില്ലകളിലെ സര്ക്കാര്, എയ്ഡഡ് ഹയര് സെക്കന്ഡറി സ്കൂളുകളില് പ്ലസ് വണ്ണിന് 10 ശതമാനം സീറ്റ് വര്ധിപ്പിക്കാന് മന്ത്രിസഭ തീരുമാനിച്ചു.എല്ലാ സര്ക്കാര്, എയ്ഡഡ് ഹയര് സെക്കന്ഡറി സ്കൂളുകളിലും ഈ അധ്യയനവര്ഷം 20 ശതമാനം സീറ്റ് വര്ധിപ്പിച്ചിട്ടുണ്ട്. ഇതിനു പുറമെയാണ് ആറു ജില്ലകളില് 10 ശതമാനം സീറ്റുകൂടി വര്ധിപ്പിക്കുന്നത്.
പാലക്കാട്ടെ ഐ.ഐ.ടി.ക്കു വേണ്ടി പുതുശ്ശേരി വെസ്റ്റ് വില്ലേജില് 8.8 ഹെക്ടര് റവന്യൂ ഭൂമി കൈമാറും.അഞ്ച് ജവഹര് ബാലഭവനുകളിലെ സര്ക്കാര് അംഗീകൃത ജീവനക്കാര്ക്ക് ശമ്പളപരിഷ്കരണം അനുവദിക്കാും.പയ്യന്നൂരും താനൂരും പുതിയ പോലീസ് കണ്ട്രോള് റൂമുകള് ആരംഭിക്കും. ഇതിന് 40 വീതം തസ്തികകള് സൃഷ്ടിക്കും.
തൊടുപുഴ താലൂക്കില് ഇടുക്കി വില്ലേജില് സര്ക്കാര് മെഡിക്കല് കോളേജ് തുടങ്ങുന്നതിന് റവന്യൂ വകുപ്പിന്റെ 40 ഏക്കര് ഭൂമി ആരോഗ്യ കുടുംബക്ഷേമ വകുപ്പിന് നല്കും. ഭൂമിയുടെ ഉടമസ്ഥാവകാശം റവന്യൂ വകുപ്പില് നിലനിര്ത്തിയാണ് ഭൂമി നല്കുക.
കേരള സബോര്ഡിനേറ്റ് ജൂഡീഷ്യറിയിലെ ജൂഡിഷ്യല് ഓഫീസര്മാര്ക്ക് അവരുടെ അടിസ്ഥാന ശമ്പളത്തിന്റെ 30 ശതമാനവും വിരമിച്ച ഓഫീസര്മാര്ക്ക് പെന്ഷന്റെ 30 ശതമാനവും ഇടക്കാല ആശ്വാസമായി അനുവദിക്കും. സൂപ്രീംകോടതി വിധിയുടെ അടിസ്ഥാനത്തിലാണ് ഈ തീരുമാനം. 2016 ജനുവരി ഒന്നുമുതല് ഇതിന് പ്രാബല്യമുണ്ടാകും.
പ്രതികരിക്കാൻ ഇവിടെ എഴുതുക: